МХМ къухдариуӕгад сӕххӕст кӕндзӕн сывӕллӕтты бӕллицтӕ

© МВД РЮОМХМ къухдариуӕгад сӕххӕст кӕндзӕн сывӕллӕтты бӕллицтӕ
МХМ къухдариуӕгад сӕххӕст кӕндзӕн сывӕллӕтты бӕллицтӕ - Sputnik Хуссар Ирыстон
Рафыссын
Мидхъуыддӕгты министрады сӕргълӕууӕг, афтӕ ма уагдоны службӕтӕ ӕмӕ хайадты разамонджытӕ хайад райстой акци "Бӕллицты фонтан"-ы

ЦХИНВАЛ, 25 дек — Sputnik. Хуссар Ирыстоны Мидхъуыддӕгты министрады (МХМ) къухдариуӕгад министр Наниты Игоры сӕргълӕудӕй хайад райстой ногазон хӕрзаудӕн акци "Бӕллицты фонтан"-ы, хъусын кӕны уагдоны пресс-службӕ.

Хуссар Иры президент бакодта ногазон акци Бӕллицты фонтан - Sputnik Хуссар Ирыстон
Хуссар Иры президент бакодта ногазон акци "Бӕллицты фонтан"

Уагдоны сӕргълӕууӕг систа ӕртӕ науы Цхинвалы скъола-интернат ӕмӕ Къуайсайы скъолайы ахуыргӕнинӕгты бӕллицтимӕ, кӕцыты Ног азмӕ хъӕуы фыссӕн стъол бандонимӕ, телефон ӕмӕ велосипед. Министр бахахх кодта, Ног азмӕ алкӕцы сывӕллон дӕр кӕй райсдзӕн йӕ лӕвар ӕмӕ банысан кодта, тынг ахсджиаг кӕй у ӕххӕст кӕнын сывӕллӕтты бӕллицтӕ.

Уагдоны службӕтӕ ӕмӕ хайадты разамонджытӕ дӕр сӕххӕст кӕндзысты 14 сывӕллоны бӕллицы ӕххуысхъуаг бинонтӕй ӕмӕ Цхинвалы скъола-интернаты ахуыргӕнинӕгтӕй.

"Бузныг республикӕйы МХМ къухдариуӕгад ӕмӕ кусджытӕн, кӕй ӕрбаиу сты хӕрзаудӕн акцимӕ. Уыдон ныридӕгӕн дыккаг аз хайад исынц акцийы ӕмӕ ӕххӕст кӕнынц сывӕллӕтты бӕллицтӕ" — банысан кодта проекты автор Хъуылымбегты Елена.

Уагдоны сӕргълӕууӕг раарфӕ кодта республикӕйы цӕрджытӕн ӕрбалӕугӕ бӕрӕгбоны цытӕн.

© МВД РЮОМХМ къухдариуӕгад сӕххӕст кӕндзӕн сывӕллӕтты бӕллицтӕ
Руководство МВД исполнит новогодние желания детей - Sputnik Хуссар Ирыстон
МХМ къухдариуӕгад сӕххӕст кӕндзӕн сывӕллӕтты бӕллицтӕ

Акци "Бӕллицты фонтан" дыккаг аз уагъд цӕуы Паддзахадон телерадиокомпани "Ир"-ы. Проекты хайад исынц Ленингоры интернат, Дзауы скъола-интернат, Цхинвалы интернаты сывӕллӕттӕ, афтӕ ма уӕззау низтимӕ ӕмӕ ӕххуысхъуаг бинонты сывӕллӕттӕ.

Ног хабӕртты лентӕ
0