Цхинвалы 25 Митын Дадайы æрбакодтой сæйраг наз бæлас

Цхинвалы 25 Митын Дадайы æрбакодтой сæйраг наз бæлас

89
(ранӕуӕггонд 15:05 25.12.2018)
Сæйраг наз бæласы æрбакондмæ æрæмбырд сты сæдæгай сабитæ - хæдтулгæты бынат кæмæн нæ разынд, уыдон хызтысты багажниктæй

ЦХИНВАЛ, 25 дек — Sputnik, Плиты Фатимæ. Хуссар Иры столицæйы Театралон фæзуаты æрбакодтой сæйраг Наз бæлас. Сæдæгай сабитæ æрæмбырд сты республикон фæзуатмæ, ирхæфстой сæ 25 Митын Дадайы, аргъæутты хъайтартæ æмæ зарæггæнджытæ.

Мадзалмæ сабитæ æрæмбырд сты канд горæтæй нæ, фæлæ ма районтæй дæр. Хæдтулгæты бынат кæмæн нæ разынд, уыдон  хызтызты багажниктæй æмæ дугъ кодтой сæйраг Наз бæласы цурмæ.

Открытие главной новогодней елки в Южной Осетии
© Sputnik / Наталья Айриян
Цхинвалы 25 Митын Дадайы æрбакодтой сæйраг наз бæлас

25 Митын Дада, Митын чызджытæ, аргъæутты æмæ мультфильмты хъайтартимæ сабитæ кафгæ зылдысты сæйраг "хъайтары" алыварс. Ам бынат кæмæн нæ разынд, уыдон та чысыл къордтæй кафыдысты фæсфæдты.

Открытие главной новогодней елки в Южной Осетии
© Sputnik / Наталья Айриян
Цхинвалы 25 Митын Дадайы æрбакодтой сæйраг наз бæлас

Чысыл фæстæдæр сабиты бæрæгбонмæ æрбамбал ис президент дæр. Сæ иумæйаг сидты фæстæ ссудзын кодтой Наз бæлас.

"Ӕрбалæугæ Ног азы хорзæх уæ уæт, мæ чысыл хуртæ. Сымах нын стут иууыл рæсугъддæр, зондджындæр æмæ курдиатджындæр сабитæ дунейы", — загъта Бибылты Анатолий.

Открытие главной новогодней елки в Южной Осетии
© Sputnik / Наталья Айриян
Цхинвалы 25 Митын Дадайы æрбакодтой сæйраг наз бæлас

Сæйраг Наз бæласы цур кафт æмæ зарды номыртæ сæххæст кодтой ахуырдзаутæ сæхæдæг дæр.

Уый фæстæ сабиты ахуыдтой Паддзахадон театрмæ, цы ран æвдыст æрцыд аргъау "Сырх худ".

Открытие главной новогодней елки в Южной Осетии
© Sputnik / Наталья Айриян
Цхинвалы 25 Митын Дадайы æрбакодтой сæйраг наз бæлас

Ацы аз дыккаг хатт столицæйы хицæуттæ республикон фæзуаты сæвæрдтой ног рæсугъд кæнгæ Наз бæлас. Уый размæ азты-иу уым æрфысым ис удæгас Наз бæлас.

89