Президент Бибылты Анатолий бацыд командантейы мемориал-зæппадзмæ

Хуссар Иры президент сцыт кодта дзæнæттаг Уго Чавесæн

15
(ранӕуӕггонд 12:16 10.01.2019)
Хуссар Ирыстоны делегаци президенты сæргълæудæй ис Венесуэлайы дыууæбонон балцы, кæцыйы фæлгæтты уый хайад райсдзæн республикæйы разамонæг Николас Мадуройы инаугурацийы

ЦХИНВАЛ, 10 янв — Sputnik. Хуссар Ирыстоны президент Бибылты Анатолий æмæ делегацийы уæнгтæ сцыт кодтой Венесуэлайы зынгæ паддзахадон архайæг дзæнæттаг Уго Чавесæн, хъусын кæны паддзахады сæргълæууæджы пресс-секретарь Гасситы Дина.

Командантейы мемориал-зæппадзмæ бацæуыны рæстæджы Бибылты Анатолий зæрдыл æрлæууын кодта, Уго Чавесы уынаффæйæ Венесуэла кæй банымадта Хуссар Ирыстоны хæдбардзинад.

Президент Анатолий Бибилов посетил мемориал-усыпальницу команданте Уго Чавеса
© Пресс-служба президента РЮО.
Хуссар Иры президент сцыт кодта дзæнæттаг Уго Чавесæн

Венесуэлайы президенты йæ бынатмæ бацæуыны церемони ацæудзæн 10 январы 2019 азы Каракасы.

Бибылты Анатолиимæ кусæгон балцы ис фæсарæйнаг хъуыддæгты министр Медойты Дмитрий æмæ президенты паддзахадон уынаффæгæнæг Коцты Константин.

Боливариаг Республикæ Венесуэла Хуссар Ирыстоны хæдбардзинад банымадта 2009 азы. Дыууæ бæстæйы хсæн фидаргонд æрцыдысты дипломатон ахастытæ.

15
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6
Цхинвал

Иу ФТЦ ӕмӕ дыууӕ фыдракӕнды: Хуссар Иры МХМ ивгъуыд къуырийы уавӕры тыххӕй

3
(ранӕуӕггонд 15:03 06.07.2020)
Хуссар Ирыстоны барадхъахъхъӕнӕг уагдоны фехъусын кодтой республикӕйы криминогенон уавӕры тыххӕй 29 июнӕй 6 июлы онг

ЦХИНВАЛ, 6 июл - Sputnik. Хуссар Ирыстоны ивгъуыд къуыри ӕрцыд иу фӕндагон-транспортон-цау (ФТЦ). Аварийы фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Афтӕ ма республикӕйы фӕндӕгтыл сбӕрӕг кодтой фӕндагон змӕлды 159 фӕткхалды. Авд шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй.

Уымӕй дарддӕр республикӕйы территорийыл ӕрцыд дыууӕ фыдракӕнды, кӕцытӕ раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй ЦХинвалы мидхъуыддӕгты хайады кусджытӕ ӕрурӕдтой дыууӕ адӕймаджы, кӕцыты тӕрхондон ӕрбаздахта административон бӕрнмӕ.

3