РХИ хъахъхъӕнынады министрады хыгъдон ӕмбырд

Бибылты Анатолий: Хъахъхъӕнынады министрад сӕххӕст кодта йӕ хӕслӕвӕрдтӕ

69
Хуссар Ирыстоны Гарзджын тыхты Уӕлдӕр командӕгӕнӕг саргъ кодта уагдоны куыстӕн 2018 азы

ЦХИНВАЛ, 15 мар - Sputnik. Хуссар Ирыстоны президент Бибылты Анатолий хайад райста республикӕйы хъахъхъӕнынады министрады хыгъдон ӕмбырды, кӕцыйы рӕстӕджы хатдзӕгтӕ скодтой уагдоны куыстӕн 2018 азы, хъусын кӕны паддзахады сӕргълӕууӕджы пресс-службӕ.

Докладтимӕ куысты фӕстиуджыты тыххӕй ралӕууыдысты хъахъхъӕнынады министр Гассеты Ибрагим ӕмӕ йӕ хӕдивджытӕ.

Министр обороны РЮО Ибрагим Гассеев
© Пресс-служба президента РЮО.
РХИ хъахъхъӕнынады министрады хыгъдон ӕмбырд

Афмӕйразмӕ, Хуссар Ирыстон ӕмӕ Уӕрӕсейы ӕхсӕн ӕмгуыстад ӕмӕ интеграцийы фӕдыл бадзырдмӕ гӕсгӕ, 2017 азы уалдзӕджы Мӕскуыйы бафыстой бадзырд Хуссар Ирыстоны Гарзджын тыхты хицӕн хайадты бахизӕны фӕдыл Уӕрӕсейы Федерацийы Гарзджын тыхты скондмӕ.

"Фыццаг фарсты фӕдыл Хъахъхъӕнынады министрад сӕххӕст кодта йӕ хӕслӕвӕрдтӕ ӕмгъуыдмӕ. Ӕфсӕддон службӕмӕ 4-ӕм ӕфсӕддон базӕйы скондмӕ арвыстой Республикӕ Хуссар Ирыстоны 300 ӕмбӕстаджы, уый фӕстӕ ноджы 100 адӕймаджы бафӕндыд бацӕуын службӕмӕ кӕнынмӕ 4-ӕм ӕфсӕддон базӕмӕ. Республикӕйы Гарзджын тыхты Уӕлдӕр командӕгӕнӕджы фидар позицийы руаджы бавӕрдтам хӕстон хайад – сӕрмагонд нысаниуӕджы батальон, афтӕ ма ифтонгкӕныны алыгъуызон хайадтӕ", - банысан кодта министр.

Бибылты Анатолий байхъуыста уагдоны разамынады хыгъдлӕвӕрдмӕ ӕмӕ банысан кодта, Хъахъхъӕнынады министрад кӕй сӕххӕст кодта йӕ хӕслӕвӕрдтӕ. Афтӕ ма президент ӕрсидт ӕфсӕддонтӕм ӕмгуыстад кӕнын сӕйраг стратегион партнер - Уӕрӕсеимӕ.

Отчетное собрание министерства обороны РЮО
© Пресс-служба президента РЮО.
РХИ хъахъхъӕнынады министрады хыгъдон ӕмбырд

"Хъӕуы уадзын сӕрмагонд хӕстон цӕттӕкӕнынад ӕфсӕддонтимӕ, афтӕ ма тактикон ахыртӕ хъахъхъӕнынадон уагдоны алкӕцы хайадӕн дӕр. Ахсджиаг бынат ис дисциплинӕйӕн дӕр. Сӕйраг хъусдард хъуамӕ здӕхт уа ацы аспекттӕм", - загъта президент.

Бибылты Анатолий ӕрдзырдта республикӕйы ӕфсӕддонты мыздтӕ фӕфылдӕр кӕныныл дӕр, бафтыдтой паддзахады сӕргълӕууӕджы пресс-службӕйы.

Отчетное собрание министерства обороны РЮО
© Пресс-служба президента РЮО.
РХИ хъахъхъӕнынады министрады хыгъдон ӕмбырд
69
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

2
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

2
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

2
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

2