ЦХИНВАЛ, 25 мар - Sputnik. Хуссар Ирыстоны ӕвдӕм ӕрсидты парламентмӕ ӕвзӕрстытӕ ацӕудзысты 2019 азы 9 июны, дзырдӕуы республикӕйы президент Бибылты Анатолийы барамынды.
"Снысан кӕнын Республикӕ Хуссар Ирыстоны Парламенты депутатты ӕвзӕрстыты датӕ 2019 азы 9 июнмӕ", - дзырдӕуы президенты барамынды.
Радон парламентон æвзæрстытæ ацæудзысты ног системӕмӕ гӕсгӕ: 34 депутатæн се 'мбис æвзæрст æрцæудзæн партион номхыгъдтæм гæсгæ, аннæ æрдæг та - иумандатон зылдтæм.
2009 азӕй фӕстӕмӕ республикӕйы парламентмӕ ӕвзӕрстытӕ цыдысты ӕрмӕст пропорционалон системӕмӕ гӕсгӕ. Мажоритарон-пропорционалон ситемӕмӕ рахизыны фӕдыл закон парламент райста 2018 азы марты.
