ЦХИНВАЛ, 25 мар - Sputnik. Хетӕгкаты Къостайы номыл Паддзахадон драмон театры ног агъуысты ацыд спектакль "Фатимӕ"-йы премьерӕ, кӕцы ссис Хуссар Ирыстоны культурон царды масштабон цау, банысан кодта республикӕйы президент Бибылты Анатолий йӕ арфӕйы телы Культурӕйы кусӕджы боны цытӕн.
"Культурӕйы фадыджы кусджытӕ равдыстой ирон театралон аивады тых, афтӕ ма ирӕтты традицитӕ дӕр", - хъусын кӕны президенты ныхӕстӕ йӕ пресс-службӕ.
Бибылты Анатолий бафтыдта, зӕгъгӕ, культурӕйы фадыджы кусджытӕн ис бӕрнон мисси – бавӕрын ӕмӕ адӕттын фидӕны фӕлтӕрӕн ӕнӕматериалон хӕзнатӕ, афтӕ ма ирон адӕмы традицитӕ.
"Хицӕн бузныг мӕ фӕнды зӕгъын кафджытӕн ӕмӕ музыканттӕн, нывгӕнджытӕн ӕмӕ фыссджытӕн, сывӕллӕтты аивады скъолаты ахуыргӕнджытӕн, музейтӕ, хъӕууон клубтӕ ӕмӕ библиотекӕты кусджытӕн", - бахахх кодта президент.
Афтӕ ма Бибылты Анатолий фидарӕй загъта, профессионализм, курдиат ӕмӕ сӕ куыстӕн иузӕрдыгдзинады руаджы республикӕйы культурӕйы фадыджы минӕвӕрттӕн ис стыр ӕнтыстытӕ.
