Паддзахады сӕргълӕууӕг фембӕлд Дзауы районы ӕхсӕнады минӕвӕрттимӕ

Бибылты Анатолий фехъусын кодта Цхинвалы хӕсты рӕстӕджы хъыгдард фатерты цалцӕджы ӕмгъуыд

45
(ранӕуӕггонд 12:22 11.04.2019)
Паддзахады сӕргълӕууӕг фембӕлд Дзауы районы ӕхсӕнады минӕвӕрттимӕ, радзырдта ӕрӕмбырдуӕвджытӕн бӕстӕйы къухдариуӕгады куысты тыххӕй ивгъуыд дыууӕ азы ӕмӕ фидӕны нывӕзтыты тыххӕй

ЦХИНВАЛ, 11 апр – Sputnik. Цхинвалы фатертӕ иууылдӕр, кӕцытӕ бахъыгдард сты 2008 азы хӕсты рӕстӕджы, сцалцӕг кӕндзысты 2019 азы, фехъусын кодта Хуссар Ирыстоны президент Бибылты Анатолий.

"Бюджетон фӕрӕзтӕй мах рахицӕн кодтам 35 милуан сомы хӕсты рӕстӕджы хъыгдард фатертӕ сцалцӕг кӕнынӕн. Цалцӕг кӕндзыстӕм сӕрмагонд хӕдзӕрттӕ дӕр, кӕцытӕ ныппырх сты 2008 азы хӕсты рӕстӕджы. 200 фатеры ӕмӕ хӕдзары ныридӕгӕн сцалцӕг кодтам дыууӕ азмӕ, 130 хӕдзары мах сараздзыстӕм ӕмӕ сцалцӕг кӕндзыстӕм ацы аз", - хъусын кӕны президенты ныхӕстӕ йӕ пресс-службӕ.

Встреча президента Южной Осетии с общественностью Дзауского района
© Пресс-служба президента РЮО.
Паддзахады сӕргълӕууӕг фембӕлд Дзауы районы ӕхсӕнады минӕвӕрттимӕ

Афтӕ ма Бибылты Анатолий радзырдта 2018 ӕмӕ 2019 ӕзты нывӕзтытӕ сӕххӕст кӕныныл Дзауы поселочы.

"Хӕслӕвӕрдты фылдӕр хай среализаци кодтам, фӕлӕ ацы здӕхты куыст адарддӕр уыдзӕн. Хъӕуы нырма саразын сыгъдӕг кӕнӕн бӕстыхай, афтӕ ма ис районы фӕндӕгтӕ ӕмӕ уынгты хӕрзарӕзтады проблемӕ. Дыууӕ уынджы сцалцӕг кодтой 2018 азы, ацы аз нывӕндӕм саразын ноджы ӕртӕ уынджы", - загъта президент.

Встреча президента Южной Осетии с общественностью Дзауского района
© Пресс-служба президента РЮО.
Паддзахады сӕргълӕууӕг фембӕлд Дзауы районы ӕхсӕнады минӕвӕрттимӕ

Бибылты Анатолий банысан кодта, бюджетон фӕрӕзтӕй кӕй рахицӕн кодтой 30 милуан сомы Дзауы районы спортивон комплексы арӕзтадӕн, сӕххӕст кодтой финансон ӕххуыс респбуликӕйы 50 ӕмбӕстагӕн.

Хуссар Ирыстоны инвестицион программӕйы фӕлгӕтты та рахицӕн кодтой 110 милуан сомы хид сцалцӕг кӕнынӕн, афтӕ ма ацы аз райдайдзӕн ӕртӕ 18-фатерон хӕдзары арӕзтад.

2020 азы фӕуыдзӕн Къуайсамӕ фӕндаджы арӕзтад, уый фӕстӕ райдайдзысты аразын Дзауы поселочы Сталины уынг.

45
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

4
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

4
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0