Хъырым ӕмӕ Хуссар Ирыстон бафыстой ӕмгуыстады фӕдыл бадзырд

Хуссар Ир ӕмӕ Хъырым бадзырдтой ӕмгуыстадыл

58
Ялтайы ӕхсӕнадӕмон экономикон форумы фӕлгӕтты бадзырд бафыстой Хъырымы сӕргълӕууӕг Сергей Аксенов ӕмӕ Хуссар Ирыстоны президент Бибылты Анатолий

ЦХИНВАЛ, 18 апр - Sputnik. Хъырым ӕмӕ Хуссар Ирыстон бафыстой ӕмгуыстады фӕдыл бадзырд. Уый уыд фыццаг документ, кӕцы бафыстой Ялтайы форумы, хъусын кӕны РХИ президенты пресс-службӕ.

Хуссар Ирыстоны делегаци президент Бибылты Анатолийы сӕргълӕудӕй ӕрцыд Хъырыммӕ Ялтайы ӕхсӕнадӕмон экономикон форумы хайад райсынмӕ. Цыппӕрӕмы Бибылты Анатолий фембӕлд Хъырымы сӕргълӕууӕг Сергей Аксеновимӕ, уый фӕстӕ уыдон бафыстой ӕмгуыстады фӕдыл бадзырд.

Подписание соглашения между правительством Южной Осетии и советом министров Крыма
© Пресс-служба президента РЮО.
Хъырым ӕмӕ Хуссар Ирыстон бафыстой ӕмгуыстады фӕдыл бадзырд

Афтӕ ма фарсытӕ бафыстой мадзӕлтты нывӕзт, цӕмӕй среализаци кӕной бадзырд 2019-2022 ӕзты.

Документмӕ гӕсгӕ сараздзысты уавӕртӕ дыууӕварсон бастдзинӕдты райрӕзтӕн экономикӕйы алыгъуызон фадгуыты. Афтӕ ма райтынг кӕндзысты ӕмгуыстад туризм ӕмӕ спорты фадыджы дӕр.

Подписание соглашения между правительством Южной Осетии и советом министров Крыма
© Пресс-служба президента РЮО.
Хъырым ӕмӕ Хуссар Ирыстон бафыстой ӕмгуыстады фӕдыл бадзырд

Делегацийы сконды сты республикӕйы хицауады сӕрдары хӕдивӕг Бекъойты Геннадий, ФХМ сӕргълӕууӕг Медойты Дмитрий, Цхинвалы администрацийы сӕргълӕууӕг Коцты Алан ӕмӕ базарадон-сӕудӕджерадон палатӕйы сӕрдар Ӕлборты Алан.

58
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5