ЦХИНВАЛ, 13 мая — Sputnik, Уалыты Диана. Хуссар Ирыстоны президент Бибылты Анатолий радта Хӕларады Орден уӕрӕсейаг минӕвар Австралийы Алексей Павловскийӕн ӕмӕ Абхазы минӕвар Уӕрӕсейы Игорь Ахбайӕн.
2008 азы гуырдзиаг агрессийы рӕстӕджы Алексей Павловский уыд уӕрӕсейаг ӕддагполитикон уагдоны ХПӔ бӕстӕты департаменты директоры хӕдивӕг, 2009 азы ссис уыцы департаменты директор.
Бибылты Анатолий загъта бузныг Алексей Павловскийӕн ӕххуысы тыххӕй, кӕцы уый сӕххӕст кодта Хуссар Ирыстонӕн.
"Ирыстонӕн зын рӕстӕджы Алексей Павловский бирӕ сарӕзта нӕ республикӕйӕн, стыр хайбавӕрд бахаста ирон дипломатийы райрӕзтмӕ", - загъта Бибылты Анатолий.
Паддзахады сӕргълӕууӕг раарфӕ кодта кодта Алексей Павловскийӕн Уӕрӕсейы минӕварӕй йӕ кӕй снысан кодтой Австралийы, уый тыххӕй.
Афтӕ ма Бибылты Анатолий банысан кодта Абхазы минӕвар Уӕрӕсейы Федерацийы Игорь Ахбайы хайбавӕрд дыууӕ республикӕйы хсӕн ахастыты райрӕзтмӕ.
"Абхазимӕ нын алыхатт дӕр уыд фидар бастдзинӕдтӕ. Мах ацыдыстӕм ӕмхуызӕн фӕндаг ӕмӕ ӕххуыс кодтам кӕрӕдзийӕн. Ацы ӕмархайдмӕ стыр хайбавӕрд бахаста Абхазы минӕвар Уӕрӕсейы", - бахахх кодта президент.
Минӕвӕрттӕ загътой бузныг президентӕн стыр хорзӕх ӕмӕ хъусдарды тыххӕй.
