Хуссар Иры хицауады сӕрдар бабӕрӕг кодта арӕзтадон объекттӕ Цхинвалы

© Пресс-служба правительства РЮО Хуссар Иры хицауады сӕрдар бабӕрӕг кодта арӕзтадон объекттӕ Цхинвалы
Хуссар Иры хицауады сӕрдар бабӕрӕг кодта арӕзтадон объекттӕ Цхинвалы - Sputnik Хуссар Ирыстон
Рафыссын
Хицауады сӕрдар бабӕрӕг кодта сабидон ӕмӕ хъалонон инспекцийы аразгӕ агъуысттӕ Суворовы уынгыл, республикон парчы территори ӕмӕ уазӕгдон Цхинвалы центры

ЦХИНВАЛ, 14 май – Sputnik. Хуссар Ирыстоны Инвестпрограммӕйы реализацийӕн ӕхцайы фӕрӕзтӕ хицӕн кӕнынц ӕнӕ фӕстиатӕй, фехъусын кодта республикӕйы премьер-министр Пухаты Эрик, кӕцы дыццӕджы сӕххӕст кодта инспекцион балц Инвестпрограммӕйы объекттӕм.

Хуссар Ирмӕ фӕуазӕг сты Ӕхсӕнхицауадон къамисы уӕнгтӕ - Sputnik Хуссар Ирыстон
Хуссар Ирмӕ фӕуазӕг сты Ӕхсӕнхицауадон къамисы уӕнгтӕ

2018-2019 азтӕм инвестицион программӕ райстой 2017 азы декабры. Уырдӕм бахаудтой 51 мадзалы. Сӕ реализацийӕн уӕрӕсейаг бюджетӕй рахицӕн кодтой 3 миллиард сомӕй фылдӕр.

Хицауады пресс-службӕйы информацимӕ гӕсгӕ, Пухаты Эрик инспецион балцы рӕстӕджы банысан кодта, Инвестпрограммӕйӕн фӕрӕзтӕ кӕй рахицӕн кӕнынц ӕнӕ фӕстиатӕй, зындзинӕдтӕ фӕзынд ӕрмӕстдӕр Дзау ӕмӕ Знауыры районы цӕрӕн хӕдзӕртты арӕзтады рӕстӕджы. Уыдон фӕдыл скъуыддзаг рахастой РХИ ӕмӕ Уӕрӕсейы социалон-экономикон ӕмгуыстады фӕдыл ӕхсӕнхицауадон къамисы рабадтыл 2019 азы апрелы.

Афтӕ ма Пухаты Эрик бахахх кодта, зӕгъгӕ, кӕцыдӕр объекттыл куыстытӕ нӕ фӕуынц ӕмгъуыдмӕ гӕсгӕ, фӕлӕ аразджытӕ дзырд радтой аиуварс кӕнын ацы проблемӕ.

"Программӕйы реализацийы фарстытӕ мах аскъуыддзаг кӕнӕм. Радон Инвестпрограммӕ ӕххӕст цӕуы хорз темптыл ӕмӕ дарддӕр дӕр афтӕ хъӕуы кусын", - фехъусын кодта хицауады сӕрдар.

Ног хабӕртты лентӕ
0