Зӕронд агъуысты демонтаж

Сквертӕ ӕмӕ ног фасадтӕ: цы ногдзинӕдтӕ ӕнхъӕлмӕ кӕсынц Хуссар Иры столицӕмӕ

38
(ранӕуӕггонд 14:40 17.05.2019)
Цхинвалы мэр радзырдта зӕронд бӕстыхӕйтты бынаты паркты хӕрзарӕзтады тыххӕй

ЦХИНВАЛ, 17 май - Sputnik, Гӕбӕраты Элина. Стыр ивындзинӕдтӕ ӕнхъӕлмӕ кӕсынц Цхинвалы сӕйраг уынгтӕй иумӕ – Мӕскуыйагмӕ, фехъусын кодта Sputnik столицӕйы администрацийы сӕрдар Коцты Алан.

Мэры ныхӕстӕм гӕсгӕ, нывӕзтыты фӕлгӕтты горӕты администраци сног кӕндзӕн муниципалон хӕдзӕртты фасадтӕ ӕмӕ сарзадзӕн ног сквертӕ.

"Фидауынгӕнӕн тыхты уынгыл хӕдзӕртты фасадтӕ сцалцӕг кӕндзысты. Раздӕры универмагы бынаты, кӕцы басыгъд 2008 азы хӕсты рӕстӕджы, фӕзындзӕн сквер. Ноджы ма улӕфӕн зонӕ фӕзындзӕн турбазайы цур", - банысан кодта мэр.

Хуссар Ирыстоны столицӕйы администрацийы коммуналон службӕтӕ райдыдтой демонтаж кӕнын турбаза "Ирыстон"-ы цур бӕстыхай, кӕцыйы бынаты сараздзысты сквер ӕмӕ сывӕллӕтты фӕзуат.

Цхинвалы Цӕрӕн-коммуналон хӕдзарады хайады хистӕр Лалыты Сослан радзырдта Sputnik, бӕстыхай кӕй уыд зӕронд ӕмӕ тӕссаг уыд йӕ ныккӕлынӕй.

"Турбазӕ "Ирыстон" куы куыста, уӕд ацы бӕстыхайы уыд хӕрӕндон. Фӕлӕ бирӕ ӕзты фӕстӕ уый ссис тӕссаг цӕрджытӕн, кӕцытӕ цӕрынц раздӕры турбазӕйы", - загъта Лалыты Сослан.

Арӕзтадон куыстыты архайынц столицӕйы администрацийы кусджытӕ ӕмӕ техникӕ.

38
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5