ЦХИНВАЛ, 21 май - Sputnik, Гӕбӕраты Элина. Бардон зарӕджы фыццаг ӕхсӕнадӕмон фестиваль ацӕудзӕн Хуссар Ирыстоны 2019 азы августы, фехъусын кодта Sputnik клуб "Струны Алании"-йы сӕрдар Хъуылымбегты Лейла, кӕцы у мадзалы организатор.
"Фестивалы программӕ уыдзӕн тынг цымыдисон. Ралӕудтӕй дарддӕр уазджытӕн сорганизаци кӕндзысты экскурситӕ республикӕйы фенддаг бынӕттӕм. Уый тыххӕй ӕмӕ нӕ бӕстӕ зындгонд у йӕ уазӕгуарзондзинадӕй, рӕсугъд ӕрдзӕй, рагон культурӕ ӕмӕ традицитӕй. Кӕд искӕй фӕнды баххуыс кӕнын, уӕд йӕ бон у апарахат кӕнын информаци фестивалы тыххӕй социалон хызӕгты", - загъта Хъуылымбегты Лейла.
Фестиваль уагъд цӕуы президент Бибылты Анатолийы ӕххуысы руаджы.
Афтӕ ма Хъуылымбегты Лейла нывӕнды сорганизаци кӕнын ирон бардты балц авторон зарӕджы фестивальмӕ Уӕрӕсейы горӕттӕй иумӕ.
"Июны кӕрон, кӕнӕ июлы райдайӕны мӕ фӕнды мемӕ акӕнын фестивальмӕ фондз-ӕхсӕз адӕймагӕй къорд", - бафтыдта уый.
