Электрохахх

РХИ президент загъта, кӕд райдайдзӕн резервон электрохаххы арӕзтад

29
(ранӕуӕггонд 15:11 23.05.2019)
Бӕстӕйы сӕргълӕууӕг дзуаппытӕ радта депутатты фарстытӕн республикӕйы энергетикон ӕдасдзинады фӕдыл

ЦХИНВАЛ, 23 май – Sputnik, Козаты Диана. Хуссар Ирыстонӕн резервон электрохаххы арӕзтад Рукъы тоннелы уылты райдайдзӕн 2020 азы, загъта президент Бибылты Анатолий.

Бӕстӕйы сӕргълӕууӕг цыппӕрӕмы хайад райста парламенты кӕройнаг сессийы, кӕцыйы рӕстӕджы депутаттӕ байхъуыстой хицауады хыгъдлӕвӕрдмӕ. Парламентарийты цы фарстытӕ цымыдис кодтой, уыдоны хсӕн уыдысты бӕстӕйы энергетикон ӕдасдзинад ӕмӕ резервон хаххы арӕзтад дӕр. 

"Хахх ауадзыны фӕдыл документтӕ ныридӕгӕн сты цӕттӕ. Ныртӕккӕ уагъд цӕуынц проектон куыстытӕ, уый фӕстӕ рацӕудзӕн экспертизӕ. Физикон куыстытӕм та ӕрӕвналдзысты 2020 азы", - загъта президент.

уый банысан кодта, проектон куыстытӕ кӕй аххӕсынц ӕрдӕг азы бӕрц, барӕ рӕстӕг бацахсы экспертизӕ дӕр.

Абоны бон Хуссар Ирыстонмӕ ӕппӕт электроэнерги дӕр хӕццӕ кӕны Уӕрӕсейӕ, хахх "Зӕрӕмӕг-Цӕгаттаг портал-Дзау"-ы уылты.

29