Хуссар Ирыстоны президент Бибылты Анатолий

Бибылты Анатолий Хуссар Иры ӕфтиӕгты тыххӕй: нӕ нысан - иу ӕмӕ ӕрдӕг миллиард

35
(ранӕуӕггонд 13:01 06.06.2019)
Паддзахады сӕргълӕууӕг комкоммӕ эфиры радзырдта республикӕйы царды алыгъуызон къабӕзты тыххӕй ӕмӕ сдзуапп кодта телекӕсджыты фарстытӕн

ЦХИНВАЛ, 6 июн – Sputnik, Козаты Диана. Хуссар Ирыстоны президент Бибылты Анатолий фехъусын кодта, республикӕ кӕй нывӕнды схизын кӕнын хисӕрмагонд ӕфтиӕгты иу ӕмӕ ӕрдӕг миллиард соммӕ.

Знон изӕр Бибылты Анатолий паддзахадон телеуынынады комкоммӕ эфиры дзуапп кодта ӕхсӕнадон архайд, республикӕйы социалон-экономикон ӕмӕ политикон процессты фӕдыл актуалон фарстытӕн, радзырдта уӕрӕсейаг коллегӕтимӕ йӕ фестаг фембӕлдты ӕмӕ балцы тыххӕй Хӕххон Карабахмӕ.

"Уӕрӕсейӕн дӕр ахсджиаг у, цӕмӕй мах равдисӕм ӕфтиӕгтӕ", - банысан кодта президент.

Паддзахады сӕргълӕууӕг бахахх кодта, нырма дыууӕ азы размӕ республикӕйы бюджет кӕй уыд 700 милуан сомы, фарон азы кӕрӕттӕм та хисӕрмагонд ӕфтиӕгтӕ уыдысты иу миллиард 350 милуан сомы.

"Азы кӕрӕттӕм ӕфтиӕгтӕ уыдзысты миллиард цыппар сӕдӕ милуан сомы, фӕлӕ нӕ нысан нырма у иу ӕмӕ ӕрдӕг миллиард сомы", - загъта Бибылты Анатолий.

Афтӕ ма президент йӕ хъус ӕрдардта куырдиатмӕ, ома республикӕмӕ нӕ цӕуынц инвестортӕ ӕмӕ банысан кодта, ахӕм уынаффӕтӕ раст кӕй не сты.

"Инвестор абон аразы сӕн, ныккалдта дыргъдӕттӕ. Ис дзы зындзинӕдтӕ, фӕлӕ сӕ гӕнӕн ис аиуварс кӕнын", - бафтыдта Бибылты Анатолий.

Уымӕй дарддӕр ма паддзахады сӕргълӕууӕг загъта йӕ хъуыды парламентмӕ депутатты ӕвзӕрстыты тыххӕй дӕр.

35
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

3
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

3
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

8
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

8