МХМ фехъусын кодтой, куыд ацыдысты парламентон æвзæрстытæ Хуссар Иры

МХМ фехъусын кодтой, куыд ацыдысты парламентон æвзæрстытæ Хуссар Иры

16
(ранӕуӕггонд 17:21 10.06.2019)
Милици куыста фæтыхджындæргонд схемæмæ гæсгæ, барадон фæтк хъхъхъæдтой уагдоны 800 кусæджы

ЦХИНВАЛ, 10 июн - Sputnik. Хуссар Ирыстоны парламенты æвзæрстытæ ацыдысты æварæн фадгуыты æнæ фæткхалды цаутæй, хъусын кæны МХМ-ы пресс-службæ.

"Милицийы кусджыты архайды фæрцы æхсæнадон фæтк хæлд не ʻрцыд. Организацион-профилактикон мадзæлттæ æххæст цыдысты министры хъусдарды бын, - дзырдæуы хъусинаджы.

Хуссар Иры ацыдысты æвдæм æрсидты парламентон æвзæрстытæ. Хъæлæсæппæрт цыд 77 æвзарæн фадыджы. Парламент фидаргонд æрцæудзæн æмхæццæ мажоритарон-пропорционалон системамæ гæсгæ. Уæвгæ 34 бынаты æмбис æвзæрст æрцæудзæн иумандатон зылдтæм гæсгæ, аннæтæ уыдзысты партийы номхыгъдтæй.

16