Хуссар Ирмæ фæуазæг сты æхсæны адæм Евроцæдис, ИНО æмæ ОБСЕ –йæ

Хуссар Ирмæ фæуазæг сты æхсæны адæм Евроцæдис, ИНО æмæ ОБСЕ –йæ

27
(ранӕуӕггонд 15:19 11.06.2019)
Делегаци Хуссар Иры разамынадимæ æруынаффæ кодтой Фæскавказы æдасдзинады фæдыл Женевæйы дискусситы радон раунды нывæзтыл

ЦХИНВАЛ, 11 июн - Sputnik, Гæбæраты Элина. Женевæйы дискусситы сæйраг нысан у Хуссар Ирыстон адæмы æмæ æмткæй Фæскавказы æдасдзинад бахъахъхъæнын, фехъусын кодта Хуссар Иры æххæстбарджын минæвар фæсконфликтон уавæр æрнывыл кæныны фæдыл Джиоты Мурæт.

Евроцæдис, ИНО æмæ ОБСЕ –йы æмсæрдæрттæ æрцыдысты дыццæджы Цхинвалмæ Женевæйы дискусситы радон раунды нывæзтыл ныхас кæнынмæ.

"Ахсджиаг у, цæмæй гуманитарон фарстытæ скъуыддзаг цæуой арæны дыууæ фарс цæрæг хуымæтæг адæмы хæрзæбонæн ", - загъта фембæлды Джиоты Мурæт.

Æххæстбарджын ма радзырдта нысаниуæгджын хабæрттыл, кæцытæ æрцыдысты фæстаг рæстæджы нæ республикæйы.

"Ацыдысты нæм парламентон æвзæрстытæ мажоритарон-пропорционалон системæмæ гæсгæ. Ӕвзæрстытæм æрцыдысты 70 цæстдарæджы. Афтæ ма нæ футболон æмбырдгонд рамбылдта Европæйы Чемпионат ConIFA – 2019", - бафтыдта уый

ЕС-ы æмсæрдар Тойво Клаар банысан кодта Хуссар Иры фарсы фæстиуæгджын куыст инциденттæ ма руадзыны механизмты фæлгæтты.

"Бузныг зæгъын мæ фæнды уæ куысты тыххæй Инциденттӕ ма ӕруадзыны ӕмӕ сӕ аиуварс кӕныны фӕдыл механизмты (ИӔАМ) форматы фембӕлдты, кæцытæ цæуынц æрвылмæй. Нæ разы бирæ вазыгджын фарстытæ кæй лæууы, уымæ æнæкæсгæйæ кусæм дарддæр" - загъта Клаар.

Фæскавказы фæдыл женеваг дискусситæ уагъд цæуынц 2008 азæй фæстæмæ. Абоны бон уый у иунæг диалогон формат Абхаз, Хуссар Ирыстон æмæ Гуырдзыстоны минæвæрттæн. Уымæй дарддæр ма сæ хайад исынц Уæрæсе, АИШ, афтæ ма ООН, ОБСЕ æмæ Евроцæдисы минæвæрттæ.

 

 

27
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

3
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

3
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

8
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

8