I Уӕрӕсейаг-хуссарирыстойнаг фӕсивӕдон форум

Ӕмгуыстад адарддӕр кӕнын: фӕсивӕдон делегацитӕ Хуссар Иры миссийы тыххӕй

23
(ранӕуӕггонд 16:19 13.06.2019)
I Уӕрӕсейаг-хуссарирыстойнаг фӕсивӕдон форумы хайадисӕг делегациты сӕргълӕуджытӕ радзырдтой журналисттӕн сӕ тӕлмӕнтӕ Хуссар Ирӕй ӕмӕ иумӕйаг нывӕзтыты тыххӕй

ЦХИНВАЛ, 13 июн - Sputnik, Гӕбӕраты Элина. Хуссар Ирыстон ӕмӕ Луганскы адӕмон республикӕйы фӕсивӕд райтынг кӕндзысты ӕмгуыстад, загъта Цхинвалы пресс-конференцийы ЛАР делегацийы сӕргълӕууӕг Роман Олексин, кӕцы ӕрцыд республикӕмӕ ӕхсӕнадӕмон фӕсивӕдон форуммӕ.

Пресс-конференция участников I Российско-осетинского форума
© Sputnik / Наталья Айриян
I Уӕрӕсейаг-хуссарирыстойнаг фӕсивӕдон форум

I Уӕрӕсейаг-хуссарирыстойнаг фӕсивӕдон форум уагъд цӕуы 11-14 июны. Хайад дзы исынц ӕвзонг адӕм Уӕрӕсе, ЛАР, ДАР, Хӕххон Карабах, Днестргӕрон, Абхаз, Хуссар ӕмӕ Цӕгат Ирыстонӕй.

"Мах ӕрцыдыстӕм ахӕм миссиимӕ - адарддӕр кӕнын ӕмгуыстад фӕсивӕдон политикӕ, спорт, культурӕ ӕмӕ туризмы къабӕзты. Мӕ хъуыдымӕ гӕсгӕ, форумы мах уыдоныл лыстӕггай ӕрдзурдзыстӕм ӕмӕ бафысдзыстӕм бадзырдтӕ", - загъта Олексин.

Уый ма банысан кодта, фыццаг хатт кӕй ӕрцыд Хуссар Ирмӕ ӕмӕ бузныг загъта республикӕйы цӕрджытӕн сӕ уазӕгуарзондзинады тыххӕй.

Пресс-конференция участников I Российско-осетинского форума
© Sputnik / Наталья Айриян
I Уӕрӕсейаг-хуссарирыстойнаг фӕсивӕдон форум

Уӕрӕсейаг делегацийы сӕргълӕууӕг Никита Чекрыгин та банысан кодта, республикӕйы минӕвӕртты кӕй бамбал кӕндзысты алыгъуызон программӕты ӕмӕ ма I Уӕрӕсейаг-хуссарирыстойнаг фӕсивӕдон форумы дзӕлтты хайадистмӕ. Уый равдыста ныфс, 2020 азы форумы кӕй сараздзысты хицӕн медиа-фӕзуат, цӕмӕй дзы ӕрдзурой Хуссар Ирыстоны культурӕ ӕмӕ рӕсугъддзинады тыххӕй.

Пресс-конференция участников I Российско-осетинского форума
© Sputnik / Наталья Айриян
I Уӕрӕсейаг-хуссарирыстойнаг фӕсивӕдон форум

Донецкы спорт, туризм ӕмӕ фӕсивӕдон министрады минӕвар Виктор Орехов радзырдта, стыр циндзинадимӕ кӕй ӕрцыд Хуссар Ирыстонмӕ.

"Мах, куыд ӕвзонг паддзахад, кӕцы ис ӕфсӕддон конфликты уавӕрты, аразӕм граждайнаг институт ӕмӕ нӕ фӕнды ӕнгом бастдзинӕдтӕ райтынг кӕнын ӕфсымӕрон республикӕты фӕсивӕдимӕ, аразын семӕ иумӕйаг проекттӕ", - загъта Орехов.

Уый ма загъта бузныг хуссарирыстойнаг бархионтӕн, кӕцытӕ хъахъхъӕдтой Донецкы сабырдзинад хӕсты рӕстӕджы.

I Уӕрӕсейаг-хуссарирыстойнаг фӕсивӕдон форумы фӕлгӕтты уазджытӕн сарӕзтой экскурси Знауыры районмӕ. Азылдысты Цхинвалы фенддаг бынӕттыл дӕр. Нывӕзты ма ис цалдӕр мадзалы, се 'хсӕн президент Бибылты Анатолиимӕ фембӕлд дӕр.

Пресс-конференция участников I Российско-осетинского форума
© Sputnik / Наталья Айриян
I Уӕрӕсейаг-хуссарирыстойнаг фӕсивӕдон форум
23
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

3
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

3
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

8
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

8