ЦХИНВАЛ, 13 июн — Sputnik, Плиты Фатимæ. Хуссар Ирыстоны столицæйы Фидауынгæнджыты уынгыл 12-æм бирæуæладзыгон хæдзар цыппæрæмы æхсæвы тæрккъæвдайы фæстиуæгæн фæцис донласт.
Бирæуæладзыгон хæдзары агъуыст систа дымгæ 25 майы тыхдымгæйы фæстиуæгæн, уæд горæты разамынад ныфс бавæрдта агъуыст раивынæй, фæлæ хъуыддаг ныффæстиат ис.
Социалон хизæджы апарахат сты донласт фатерты къамтæ, видеотæ æмæ мæсты ныхæстæ. Цæрджыты ныхæстæм гæсгæ, хæдзары дон æрхъардта фыццаг уæладзыджы онг.
Горæты администрацийы пресс-службæйы ацы уавæры фæдыл Sputnik комментаритæ нæ радтой.
Цхинвалы Фидауынгæнджыты уынгыл 12-æм бирæуæладзыгон хæдзар донласт фæцис тæрккъæвдайы
