ЦХИНВАЛ, 14 июн - Sputnik. Хуссар Иры бацыд Уæрæсейы скондмæ æмæ ирон адæмы баиу кæнын нæ сафы йæ актуалондзинад, фехъусын кодта президент Бибылты Анатолий политолог æмæ зонадон кусæг Дзугаты Къостайы чиныджы презентацийы.
Президенты пресс-службæ куыд хъусын кæны афтæмæй, монографи "Понятие "окна возможностей" применительно к интеграционно-воссоединительному процессу Осетии"-йы презентаци ацыд цыппæрæмы Анахарсисы номыл национ библиотекæйы Цхинвалы.
"Ахадгæ куыст у, æз афтæ уымæн нымайын, æмæ Ирыстоны бирæ мин цæрæджы, фылдæр бæрцæй йæ хуссары, тырныдтой æмæ æппæтдæр арæзтой, цæмæй мах бацыдаиккам УФ скондмæ æмæ Ирыстон уыдаид иу. Абон ацы тема нæ фæсæфта йæ актуалондзинад, уымæн æмæ Хуссар Иры экономикон райрæзтыл нæ цæуы дзырд, фæлæ нацийы иудзинадыл", - загъта Бибылты Анатолий.
Чиныджы автор символиконыл банымадта презентаци кæй цæуы парламентон æвзæрстыты хæдфæстæ "цы ран адæм схъæлæс кодтой фылдæр бæрцæй политикон тыхтæн, кæцытæ сты нæ чысыл райгуырæн бæстæйы баиу кæнын вварс".
"Сæ хъæлæсæппæрстæй адæм цы нысуан сарæзтой, уый дзурæг у Хуссар Иры хистæры равзаргæ политикон курс раст кæй у", - загъта ахуыргонд.
Монографи нывонд у ивгъуыд æнусы 30-м æзты цаутæн. Ахуыргонд йæ хъусдард аздæхта репресситæм æмæ вазыгджын политикон процесстæм. Дзугаты Къостайы иртасæн куыстытæй бæрæг у, Ирыстоны баиуы темæ бындуриуæгад кæны XX æнусы дæргъы историон размæцыды процесстыл æмæ ирон адæмы цардтæй æлхæд тырнынадыл.
