ЦХИНВАЛ, 15 июл – Sputnik. Хуссар Ирыстоны къуырисӕрӕй фӕфылдӕр ис социалон дзулы аргъ, кӕцы уадзы Паддзахадон унитарон куыстуат "Хуссар Ирыстоны дзулфыцӕн куыстуат". Ахӕм уынаффӕ рахастой хицауады рабадтыл ивгъуыд къуыри.
Дзулы аргъ фӕфылдӕр кӕныны фарстыл амӕйразмӕ ӕрдзырдтой ӕргътӕ ӕмӕ тарифты ӕрныв кӕныны фӕдыл хицауадон къамисы рабадтыл. Фӕстаг цыппар азы дзулы аргъ нӕ ивта, фӕлӕ куыстуат хаста стыр хӕрдзтӕ, уымӕн ӕмӕ Уӕрӕсейы хизы хомӕджы аргъ.
"Цӕмӕй баххӕст кӕнӕм куыстуаты хӕрдзтӕ, уый тыххӕй 600 грамм дзулы аргъ фӕфылдӕр уыдзӕн 18 соммӕ 15 июлӕй фӕстӕмӕ", - дзырдӕуы хицауады хъусинаджы.
Хуссар Ирыстоны Хицауады бардзырдмæ гæсгæ 31.03.2015 азæй 600 грамм дзулы аргъ уыд 16 сомы, афтӕмӕй 2019 азы фыццаг кварталы æргъты банымадмæ гæсгæ дзулæн йæхи аргъ лæууы 23,7сомы.
