Дыууӕ авари ӕмӕ цыппар фыдракӕнды: Хуссар Иры МХМ къуырийы уавӕры тыххӕй

© Sputnik / Наталья АйриянЦхинвал
Цхинвал - Sputnik Хуссар Ирыстон
Рафыссын
Уагдоны радзырдтой республикӕйы 8-15 июлы криминогенон уавӕры тыххӕй

ЦХИНВАЛ, 15 июл - Sputnik. Хуссар Ирыстоны ивгъуыд къуырийы дӕргъы ӕрцыд цыппар фыдракӕды, уыдон иууылдӕр раргом кодтой мидхъуыддӕгты органты кусджытӕ. Уыцы рӕстӕджы ма милицийы кусджытӕ алыгъуызон фӕткхӕлдты тыххӕй ӕрурӕдтой фараст адӕймаджы, хъусын кӕны къуырисӕры МХМ пресс-службӕ.

Цхинвалы цӕрӕджы фӕивар кодтой гӕн зайын кӕныны тыххӕй - Sputnik Хуссар Ирыстон
Цхинвалы цӕрӕджы фӕивар кодтой гӕн зайын кӕныны тыххӕй

Хъусинагӕй куыд бӕрӕг у, афтӕмӕй Дзауы районы мидхъуыддӕгты управленийы кусджытӕ ссардтой Хслебы хъӕуы 31-аздзыд цӕрӕджы цӕхӕрадоны 11 къутӕры гӕн. Уый фӕдыл бакондӕуыд уголовон хъуыддаг, зӕрдӕмӕхсайгӕ нӕлгоймаджы та бакодтой МХМ рӕстӕгмӕдарӕн изоляторы.

Уымӕй дарддӕр ма милици тох кӕны хъӕддаг гӕны ныхмӕ дӕр. Ивгъуыд къуыри Ленингоры районы Орчъосаны хъӕуы цур ссардӕуыд хъӕддаг гӕны 200 къутӕры. Уыдон скуынӕг кодтой оперативон кусджытӕ.

Уавӕр фӕндӕгтыл

Ивгъуыд къуыри республикӕйы фӕндӕгтыл ӕрцыд дыууӕ аварийы, уыдон фӕстиуӕгӕн зиан баййӕфтой ӕртӕ адӕймаджы.

Рейдон мадзӕлтты рӕстӕджы Паддзахадон автоинспекцийы кусджытӕ сбӕрӕг кодтой фӕндагон змӕлды 153 фӕткхалды. Аст шофыры скъӕрдтой хӕдтулгӕтӕ нозтджынӕй, уыдон ныхмӕ бакодтой административон протоколтӕ.

Ног хабӕртты лентӕ
0