Цхинвалы дзæгъæл куыйтæ фæхæцыдысты карджын лæгыл

Тыххæй аирвæзт: Цхинвалы дзæгъæл куыйтæ фæцæй хордтой карджын лæджы

480
(ранӕуӕггонд 14:29 16.07.2019)
Дзæгъæл куыйты бал нæлгоймагыл фембæлдысты сæумæрайсом Цæгаттаг микрорайоны цур

ЦХИНВАЛ, 16 июл — Sputnik, Плиты Фатимæ. Хуссар Ирыстоны столицæйы микрорайон "Цæгаттаг"-мæ хæстæг дзæгъæл куыйтæ фæхæцыдысты карджын нæлгоймагыл. Зианбаййафæджы уæззау уавæры фæхæццæ кодтой республикон соматикон рынчындонмæ, фехъусын кодтой Sputnik медицинон уагдоны исæн хайады.

"Хуыцаубоны райсом, 5:30 сахатыл рынчындонмæ бахауд 65–аздзыд нæлгоймаг куыдзы бирæнымæц хæстытимæ. Ӕппæт æнæмæнгхъæуæг æххуыс ын бакодтой, ныридæгæн йæ уавæр фæхуыздæр ис – зианбаййафæджы реанимацийæ ракодтой травматологийы хайадмæ", - загътой исæн хайады.

Уым ма банысан кодтой, æппæт æнæмæнгхъæуæг хостæй рынчындон кæй у æххæст.

Цхинвалы фæстаг рæстæджы сбирæ ис æнæхицау куыйты нымæц, фарст алыг кæныныл дзырд цыд хицауады дæр.

480