Хуссарирыстойнаг вокалист хайад исы Цæцæны конкурсы

"Супер Стъалы": Хуссарирыстойнаг вокалист хайад исы Цæцæны конкурсы

215
(ранӕуӕггонд 14:24 29.07.2019)
Хуссар Ирыстоны минæвар рацыд æвзарæн этап æмæ бахауд Уæрæсейы сгуыхт артист Цæрикъаты Феликсы командæмæ

ЦХИНВАЛ, 29 июл — Sputnik, Плиты Фатимæ. Хуссарирыстойнаг зарæггæнæг IDARCHIK (Гаглойты Игорь) хайад исы конкурс "Супер Звезда"-йы Цæцæны республикæйы. Уый рацыд æвзарæн этап æмæ бахауд Уæрæсейы сгуыхт артист Цæрикъаты Феликсы командæмæ.

Музыкалон конкурс цæуы Цæцæны ПТРК эфиры æмæ у телеалæвæрд "Голос"-ы æнгæс.

"Хуссар Иры номæй архайын конкурсы, уый канд цæцæйнаг проект нæу, фæлæ дзы архайынц æппæт цæгаткавказаг вокалисттæ. Ӕвзарæн этапы ралæуыдтæн зарæгимæ "Тæх цæргæсау". Нырыккон композици сæххæст кодтон этникон скæсæн стилы. Рацыдтæн æвзарæн этап", – загъта Sputnik IDARCHIK.

Уый ма банысан кодта, ныридæгæн къухдариуæггæнджытæ кæй цæттæ кæнынц сæ командæтимæ радон этапмæ.

Конкурс уадзы ПТРК "Грозный" сæ горæты мэрияимæ иумæ. Хайад дзы исынц ЦКФЗ зæрæггæнджытæ.

Жюрийы сконды сты Уæрæсейы сгуыхт артист Цæрикъаты Феликс, Дагестаны сгуыхт артист Селим Алахяров, Цæцæны адæмон артист Аминат Ахмадова æмæ Цæцæны сгуыхт артист Айна Гетагазова.

Певец из Южной Осетии участвует в конкурсе Супер звезда
Из архива Игоря Гаглоева
Нæ минæвар рацыд æвзарæн этап æмæ бахаудта Уæрæсейы сгуыхт артист Цæрикъаты Феликсы командæмæ
215