Хуссар Иры премьер бабӕрӕг кодта Дзау ӕмӕ Къуаисайы объектты арӕзтад

Рафыссын
Хицауады сӕрдар радта хӕслӕвӕрдтӕ профилон министрӕдтӕ ӕмӕ уагдӕтты хистӕртӕн, цӕмӕй сӕ хъус ӕппынӕдзух дарой арӕзтадон куыстытӕм

ЦХИНВАЛ, 1 авг - Sputnik. Хуссар Ирыстоны хицауады сӕрдар Пухаты Эрик базонгӕ ис арӕзтадон куыстытимӕ, кӕцытӕ цӕуынц Дзауы район ӕмӕ горӕт Къуаисайы, хъусын кӕны хицауады пресс-службӕ.

Хуссар Иры президент бабӕрӕг кодта Гуфта-Къуайса фӕндаджы арӕзтад - Sputnik Хуссар Ирыстон
Хуссар Иры президент бабӕрӕг кодта Гуфта-Къуайса фӕндаджы арӕзтад

Премьер бабӕрӕг кодта бирӕфатерон хӕдзары арӕзтад Дзауы районы, ам куыстытӕ схӕццӕ сты дыккаг уӕладзыджы онг. Афтӕ ма ам аразынц спортзал дӕр - куыстытӕ райдыдтой мӕйы размӕ ӕмӕ цӕуынц хорз темптӕй. Районы администрацийы хистӕр Джиоты Андрей куыд банысан кодта, афтӕмӕй астӕуккаг скъолайӕн спортзал арӕзт цӕуы районы бюджеты фӕрӕзтӕй.

"Районы арӕх кӕй вӕййынц зӕххӕнкъуыстытӕ, уый хынцгӕйӕ мах объекттӕ иууылдӕр хъуамӕ аразӕм ӕдасдзинады нормӕтӕм гӕсгӕ", - бахахх кодта Пухаты Эрик.

Къуаисайы та хицауады делегаци федта Хетӕгкаты Къостайы уынгыл уагъдцӕуӕг хӕрзарӕзтадон куыстытӕ.

 Стыр парк - Sputnik Хуссар Ирыстон
Хицауады сӕрдар парчы арӕзтады тыххӕй Цхинвалы: мӕгуырау темптӕ

Ам ӕвӕрынц бордюртӕ, донуадзӕн къанаутӕ, ивынц зӕронд коммуникацитӕ. Аразджыты ныхӕстӕм гӕсгӕ, фӕндаг асфальтӕй ӕмбӕрзыны онг цӕттӕ уыдзӕн 10 октябрьмӕ.

Къуаисайы рынчындоны медперсонал радзырдта куысты хорз уавӕрты тыххӕй, кусджытӕ загътой, кӕй сӕм ис фаг ӕппӕт ӕнӕмӕнгхъӕуӕг хостӕ дӕр.

Балцы фӕстиуджытӕм гӕсгӕ хицауады сӕрдар радта хӕслӕвӕрдтӕ профилон министрӕдтӕ ӕмӕ уагдӕтты хистӕртӕн, цӕмӕй сӕ хъус ӕппынӕдзух дарой арӕзтадон куыстытӕм.

Ног хабӕртты лентӕ
0