Этнолагерь-2019 хайадисджытӕ уыдысты Хуссар Иры Дзауы районы

"Этнолагерь-2019"-ы хайадисджытӕ ӕрцыдысты балцы Хуссар Иры Дзауы районмӕ

15
Экскурсийы фӕлгӕтты фӕсивӕды минӕвӕрттӕ уыдысты горӕт Къуайсайы, бабӕрӕг кодтой Къуыдаргомы лӕгӕттӕй иу. Афтӕ ма федтой Эрцъойы цад

ЦХИНВАЛ, 9 авг — Sputnik. Культурон-ахуырадон проект "Этнолагерь-2019. Аланты фӕд"-ы V юбилейон сезоны хайадисджытӕ цыппӕрӕмы уыдысты экскурсийы Хуссар Ирыстоны Дзауы районы, хъусын кӕны республикӕйы фӕсивӕдон политикӕ, спорт ӕмӕ туризмы комитеты пресс-службӕ.

Участники Этнолагеря-2019 побывали в Дзауском районе Южной Осетии
Пресс-служба Комитета по молодежной политике РЮО
Этнолагерь-2019 хайадисджытӕ уыдысты Хуссар Иры Дзауы районы

Акци "Этнолагерь" здӕхт у ирон ӕвзаг ӕмӕ культурӕ сахуыр кӕнынмӕ ӕмбӕстӕгтӕн, кӕцытӕ цӕрынц Уӕрӕсейы ӕддейӕ.

"Экскурсийы фӕлгӕтты фӕсивӕды минӕвӕрттӕ уыдысты горӕт Къуайсайы, бабӕрӕг кодтой Къуыдаргомы лӕгӕттӕй иу. Афтӕ ма федтой Эрцъойы цад, кӕцы зындгонд у алкӕцы 5-6 азы кӕй фесӕфы, уымӕй", - банысан кодтой пресс-службӕйы.

Участники Этнолагеря-2019 побывали в Дзауском районе Южной Осетии
Пресс-служба Комитета по молодежной политике РЮО
Этнолагерь-2019 хайадисджытӕ уыдысты Хуссар Иры Дзауы районы

Ӕвзонг адӕм Уӕрӕсе, Сири, Турк, Германи, Казахстан, Таджикистан, Нидерланды ӕмӕ Францийӕ фӕдис сты Дзауы районы аив бынӕттӕй.

"Ӕз фехъуыстон, ам иттӕг хорз кӕй у, фӕлӕ ныр та мӕхӕдӕг федтон ацы аив бынӕттӕ", - загъта йӕ хъуыды проекты хайадисӕг Голоты Сосланбег Казахстанӕй.

Этнолагерь. Аланты фӕд
Пресс-служба комитета по молодежной политике, спорту и туризму РЮО

Республикӕйы Дзауы районӕй фӕсивӕдон форумы хайадисджытӕ рацыдысты Хуссар Ирыстоны столицӕмӕ, цы ран ПККЗ "Чермен"-ы уыдонӕн равдыстой Мамиты Грийы киноныв "Iron Vandee".

Проект "Этнолагерь" ӕрбаиу кодта этникон ирӕтты алыгъуызон бӕстӕты. 2018 азы проекты фӕлгӕтты Хуссар Ирыстон бабӕрӕг кодтой дыууын дыууӕ адӕймаджы фондз бӕстӕйӕ. Проекты хайадисджытӕ сты фӕсивӕды минӕвӕрттӕ 18-35 азы кары.

Ӕрвылазон форумы организатор у Цӕгат Ирыстоны националон ахастыты фӕдыл министрад.

15