Этнолагерь

Лекцитӕ ӕмӕ ирхӕфсӕнтӕ: Хуссар Иры фӕсивӕд се 'нкъарӕнты тыххӕй этнолагерӕй

23
(ранӕуӕггонд 13:00 15.08.2019)
Лагерь ӕрӕмбырд кодта 14-18 азы кары фӕсивӕды. Организатортӕ сын ӕрымысыдысты ирд ӕмӕ цымыдисон программӕ

ЦХИНВАЛ, 15 авг – Sputnik, Гӕбӕраты Элина. Хуссар Ирыстоны Дзауы поселочы лагеры улӕфынц 40 сывӕллонӕй фылдӕр. Лагерь у этнографион, фӕсивӕды зонгӕ кӕнынц республикӕйы рӕсугъддзинӕдтимӕ ӕмӕ националон культурӕимӕ. Проекты хайадисджытӕм ӕнхъӕлмӕ кӕсы ног цымыдисон программӕ.

Этнолагерь-2019 хайадисджытӕ уыдысты Хуссар Ирыстоны Дзауы районы
Пресс-служба Комитета по молодежной политике РЮО

"Этнолагерь" байгом ис къуырисӕры, растдӕр уӕд ацыдысты фыццаг мадзӕлттӕ – тренер Калаты Нариман ахуыр кодта скъоладзауты фат ӕмӕ ӕрдынӕй ӕхсын. Уыцы бон ма ӕркастысты Хетӕгкаты Къостайы сфӕлдыстадмӕ.

Дыццӕджы сывӕллӕттӕ уыдысты республикӕйы иууыл рӕссугъддӕр бынӕттӕй иуы – Къозы цады.

Ӕртыццӕджы лагеры хайадисджытӕ уыдысты Кърозы хъӕуы, цы ран сӕм ӕнхъӕлмӕ каст уазджыты хӕдзары хицау Пӕррӕстаты Алан. Сывӕллӕттӕ тынг фӕцин кодтой бӕхтыл тезгъо кӕнгӕйӕ, уый фӕстӕ та радзырдтой сӕ тӕлмӕнтӕ.

Ӕхсӕрдӕсаздзыд Хацырты Мария бахахх кодта, фӕсивӕды кӕй фӕнды ӕмбӕлын ахӕм форматы ӕрвылаз дӕр.

Этнолагерь
© Sputnik / Наталья Айриян
Этнолагерь

"Мах иууылдӕр кӕрӕдзиимӕ базонгӕ стӕм. Ӕхсызгон нын у, кӕй ис ахӕм фӕзуат, цы ран нӕ бон у ссарын ног ӕмбӕлтты. Иууыл тынгдӕр мӕ зӕрдӕмӕ фӕцыд балц цадмӕ, махӕн уым бар радтой нӕхи ныннайын. Баззад нын ӕрмӕстдӕр хорз ӕнкъарӕнтӕ", - банысан кодта скъоладзау.

Боны дыккаг хай сывӕллӕттӕн сорганизаци кодтой мастер-класстӕ националон стилы куклӕтӕ аразынӕй. Уыцы изӕр ма ацыд традицион "хъазт" адӕмон зарӕджы ансамбль "Уацамонгӕ"-йы хайадистӕй.

Фӕсивӕдон политикӕ, спорт ӕмӕ туризмы комитеты пресс-секретарь Гӕджиты Алла радзырдта Sputnik, балцыты рӕстӕджы сывӕллӕттӕ кӕй ӕххӕст кӕнынц пайдаджын куыст дӕр.

"Къозы цадмӕ балцы рӕстӕджы сывӕллӕттӕ бафснайдтой йӕ территори. Хӕххон бынат у, фӕлӕ дзы бырон уӕддӕр бирӕ уыд", - загъта уый.

Гӕджиты Алла бафтыдта, зӕгъгӕ дарддӕр дӕр сывӕллӕттӕм ӕнхъӕлмӕ кӕсы цымыдисон программӕ.

"Сывӕллӕттӕ ацӕудзысты балцы Эрцъойы цадмӕ, цы ран уагъд цӕудзӕн бардон зарӕджы фестиваль. Изӕры та сын ауадздзысты сӕ фыдыбӕстӕйы историйы фӕдыл лекци, кӕцы кӕсдзӕн журналист ӕмӕ историк Хъуылымбегты Роберт", - банысан кодта пресс-секретарь.

Майрӕмбоны сывӕллӕттӕ бафснайдзысты лагеры территори, уый фӕстӕ та ацӕудзӕн лагерь сӕхгӕныны церемони.

  • Этнолагерь
    Этнолагерь
    © Sputnik / Наталья Айриян
  • Этнолагерь
    Этнолагерь
    © Sputnik / Наталья Айриян
  • Этнолагерь
    Этнолагерь
    © Sputnik / Наталья Айриян
1 / 3
© Sputnik / Наталья Айриян
Этнолагерь

Лагерь байгом паддзахадон комплексон нысанмæздæхт нывæзт "Хуссар Ирыстоны рæзгæ фæлтæры монон-фæткон хъомылад"-ы фæлгæтты.

23

ХИПУ-йы йӕ куыст райдыдта исӕн къамис

2
(ранӕуӕггонд 12:07 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

2
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6