Психологон реабилитацийы центр

Цхинвалы бакæндзысты психологон реабилитацийы центр

86
(ранӕуӕггонд 15:13 15.08.2019)
Ӕнæниздзинад хъахъхъæнынады министры хæдивæджы ныхæстæм гæсгæ, абоны онг республикæйы нæй иу ахæм структурæ дæр, кæцы уадзит æмбæстæгты психологон реабилитаци

ЦХИНВАЛ, 15 авг – Sputnik. Хуссар Ирыстоны фæнд кæнынц саразын психологон реабилитацийы центр. Уый тыххæй радзырдта Ӕнæниздзинад хъахъхъæнынады министры хæдивæг Сиукъаты Наира тымбыл фынджы рæстæджы, цы ран уынаффæ кодтой фæсхæст периоды цæрджыты психологон уавæрыл.

 Министры хæдивæджы ныхæстæм гæсгæ, абоны онг республикæйы нæй иу ахæм структурæ дæр, кæцы уадзит æмбæстæгты психологон реабилитаци.

"Тынг бирæ адæмы хъæуы психологты æххуыс, куыд сабиты, афтæ хистæр кары адæмы дæр. Цæрджытæ иууыл арæхдæр æрбахатынц ахæм проблемæтимæ, куыд психогенетика, алыгъуызон тастæ кар æмæ статусмæ æнæкæсгæйæ. Республикæйы та нæй сæрмагонд уагдон, ахæм адæмæн чи æххуыс кæна. Ныр нæ министры фæрцы фæнд кæнæм бакæнын реабилитацион центр, цы ран алы адæймагæн дæр йæ бон уыдзæн райсын специалистты консультацитæ", - радзырдта Сиукъаты Наира.

Уый банысан кодта, центр кæй байгом уыдзæн горæты поликлиникæйы раздæры бæстыхайы бындурыл.

Афтæ ма министры хæдивæг банысан кодта, центры специалисттæ кæй рацæудзысты ахуыр Уæрæсейы. Уымæй дарддæр ма бынадмæ хуынд цæудзысты уæрæсейаг специалисттæ дæр.

86

ХИПУ-йы йӕ куыст райдыдта исӕн къамис

2
(ранӕуӕггонд 12:07 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

2
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6