Кинокомпани Ирмон балхынцъ кодта августы хæстыл исæн куыст Хуссар Иры

Кинокомпани "Ирмон" балхынцъ кодта августы хæстыл исæн куыст Хуссар Иры

15
(ранӕуӕггонд 10:49 19.08.2019)
Фильм "Выжить нельзя погибнуть"-ы исæн къорд ивгъуыд улæфт бонты иста кинонывы фæстаг кадртæ Цхинвалы, Зары фæндагыл æмæ Дменисы хъæуы

ЦХИНВАЛ, 19 авг — Sputnik, Плиты Фатимæ. Цæгатирыстойнаг кинокомпани "Ирмон" æрцыд Хуссар Ирыстонмæ 2008 азы августы хæсты "Выжить нельзя погибнуть"-ы исæн куыст балхынцъ кæнынмæ. Сфæлдыстадон къорд куыста хæст цы бынæтты цыд, уым, фехъусын кодта Sputnik æвæрæг-режиссер Битарты Ангелина.

Цыбыр фильм таурæгъ кæндзæн фыдыбæстæ хъахъхъæнæджы хъайтардзинадыл гуырдзиаг-ирон хæсты рæстæджы. Исæн фæзуат дыууæ боны дæргъы кинематографисттæн ссис Хуссар Ир дæр.

"Финалон эпизодтæ систам Хуссар Иры – полигоны танкимæ. Систам хæсты артефакттæ - пырх бæстыхæйттæ, Сыгъ удты музей, Зары фæндаг æмæ горæты афæлгæстон кадртæ квадрокоптерæй", - загъта Битарты Ангелина.

Режиссеры ныхæстæм гæсгæ, Хуссар Ирыстоны фæуыд кæны исæн процесс.

"Исæн куыст фæцис æмæ мах райдайдзыстæм постпродакшн. Фильм, куыд фæнд кæнæм афтæ рацæудзæн 2020 азы райдайæны", - загъта режиссер.

Киноныв ист цæуы Битарты Константины сценариймæ гæсгæ, æвæрæг-оператортæ сты - Мария Нашикина æмæ Мæхъиты Руслан. Актерон къорды сконды сты Тоготы Дауыт, Блу Ариаг, Битаты Роберт, Хъантемырты Борис, Мамиты Григорий, Лохты Олеся æмæ æндæртæ.

Кинокомпания «Ирмон» снимает фильм о войне 08.08.08 в Южной Осетии
© Sputnik / Из личного архива режиссера А. Битаровой
Кинокомпани "Ирмон" балхынцъ кодта августы хæстыл исæн куыст Хуссар Иры
15