Аивадон ӕмӕ эстетикон гимнастикӕ

Дунейы чемпионтӕ ауадздзысты мастер-класстӕ гимнасткӕтӕн Хуссар Иры

12
(ранӕуӕггонд 12:00 20.08.2019)
Къуырийы дӕргъы спортивон комплекс "Олимп"-ы кусдзысты дунейы дыууӕ хатты чемпионкӕтӕ эстетикон гимнастикӕйӕ Валерия Урюпина ӕмӕ Дарья Куклина

ЦХИНВАЛ, 20 авг — Sputnik. Хуссар Ирыстоны столицӕйы райдыдтой аивадон ӕмӕ эстетикон гимнастикӕйы рӕвдзытӕ, уыдон уагъд цӕудзысты спорты мастертӕ Валерия Урюпина ӕмӕ Дарья Куклинайы къухдариуӕгады бын, фехъусын кодта Sputnik республикӕйы аивадон гимнастикӕйы федерацийы президент Цхуырбаты Зема.

"19-ӕй 25-мӕ августмӕ уагъд цӕудзысты аивадон ӕмӕ эстетикон гимнастикӕйы рӕвдзытӕ. Урюпина ӕмӕ Куклина - дунейон номимӕ тренер Сания Глызинайы ахуыргӕнинӕгтӕ, уыдон ӕрцыдысты Цхинвалмӕ тренеримӕ бадзырды фӕлгӕтты. Глызина йӕхӕдӕг гӕнӕн ис ӕрцӕуа Цхинвалмӕ фӕззӕджы", - загъта Цхуырбаты Зема.

Йӕ ныхӕстӕм гӕсгӕ, 6-12 азы кары хуссарирыстойнаг гимнасткӕтӕн рӕвдзыты фӕлгӕтты уагъд цӕудзысты дыууӕфазӕйон тренировкӕтӕ ӕрвылбон.

Афтӕ ма номдзыд гимнасткӕтӕ ауадздзысты мастер-класстӕ хуссарирыстойнаг тренертӕ ӕмӕ хореографтӕн.

Рӕвдзыты хайад исынц 30 гимнасткӕйӕ фылдӕр.

12