Цас лӕууы сывӕллоны скъоламӕ бацӕттӕ кӕнын Хуссар Иры

© Sputnik / Наталья АйриянАхуырады бон
Ахуырады бон - Sputnik Хуссар Ирыстон
Рафыссын
Хуссар Ирыстоны скъоладзауы ахуырадон азы райдайӕнмӕ ӕрӕмбырд кӕнынӕн ныййарджыты хъӕуы фараст мин сомӕй фылдӕр

ЦХИНВАЛ, 21 авг – Sputnik, Гӕбӕраты Элина. Ахуырадон азы райдайӕнмӕ баззад дыууӕ къуыримӕ ӕввахс. Ныртӕккӕ скъоладзауты ныййарджытӕ цӕттӕ кӕнынц сӕ сывӕллӕтты – Хуссар Ирыстоны дуканиты лӕууы рад скъолайон формӕ ӕмӕ къанцыларон ӕрмӕджытӕм. Sputnik сбӕрӕг кодта, цас слӕудзӕн ацы аз сывӕллоны бацӕттӕ кӕнын скъоламӕ.

Цыппӕрӕмкъласоны мад Хъуылымбегты Раяйы ныхӕстӕм гӕсгӕ, йӕ лӕппуйы скъоламӕ бацӕттӕ кӕнын слӕууыд ӕхсӕз мин сомы.

"Дуканиты ис алы хуызы дзаума дӕр. Мах райста ӕнӕмӕнгхъӕугӕ дзауматӕ аустӕуккаг аргъмӕ. Спортивон формӕ физикон культурӕйы урокмӕ слӕууыд ӕртӕ мин сомы. Адон иууылдӕр гӕнӕн ис балхӕнын фылдӕр суммӕйӕ дӕр, фӕлӕ уый, мӕнмӕ гӕсгӕ, ницы пайда у", - радзырдта сылгоймаг.

Хъуылымбегты Рая бафтыдта, зӕгъгӕ, хицӕн хӕрдзтӕ ныййарджытӕн сты къанцыларон ӕрмӕджыты ӕлхӕд.

Амалиуæггæнæг скодта фондз ахуырдзауы скъоламæ - Sputnik Хуссар Ирыстон
Ахуырмæ ног дарæсы: амалиуæггæнæг скодта фондз ахуырдзауы скъоламæ

"Мах балхӕдтам минимум – фӕйнӕ дӕс тетрады, кърандастӕ, ручкӕтӕ, альбомтӕ нывкӕнынӕн ӕмӕ пластилин. Зонындзинӕдты бӕрӕгбонмӕ ӕнӕмӕнгхъӕугӕ ӕрмӕджытӕ балхӕдтам иу мин сомӕй", - радзырдта уый.

Ӕртыккагкъласон чызджы мад Джабиты Зӕринӕ радзырдта, ацы аз кӕй ӕрӕмбырд кодта йӕ чызджы скъоламӕ фараст мин сомӕй.

"Балхӕдтам ӕмбӕлгӕ дарӕс иууылдӕр. Ацы дзауматӕ балхӕдтам фарон дӕр, фӕлӕ сабитӕ тагъд рӕзынц ӕмӕ йын уыцы дзауматӕ нал бӕззынц. Хызын балхӕдтам дыууӕ мин сомӕй, скъолайон формӕ хӕссӕн хызын та сӕдӕ сомӕй", - радзырдта Джабиты Зӕринӕ.

Уый бафтыдта, чингуытӕ ӕмӕ спортивон формӕ сын нырма кӕй нӕй – уыдон балхӕндзысты сентябры.

"Чингуыты фылдӕр хай нын раттынц библиотекӕйы, кусӕгон тетрадтӕ ӕмӕ уӕлӕмхасӕн чингуытӕ балхӕнӕм сентябры фыццаг бонты, ахуыргӕнӕг нын куы зӕгъы, цы хъӕуы ӕлхӕнын, уӕд", - банысан кодта уый.

Иумӕйагӕй сывӕллоны скъоламӕ бацӕттӕ кӕнынӕн ныййарджыты хъӕуы фараст мин сомӕй фылдӕр.

Ног хабӕртты лентӕ
0