Цхинвалы бакодтой фыццаг сабиты студи Baby boom

Цхинвалы бакодтой фыццаг сабиты студи "Baby boom"

384
(ранӕуӕггонд 14:50 21.08.2019)
"Baby boom" бакодтой августы райдайæны, уагдоны бындурыл кусы сабидон æмæ раг размæцыды студи

ЦХИНВАЛ, 21 авг — Sputnik, Плиты Фатимæ. Хуссар Иры столицæйы бакодтой сабиты раг размæцыды студи æмæ цæстдарды фыццаг студи "Baby boom". Уагдоны 14 сабийы райсом фараст сахатæй изæры авдмæ уыдзысты хъомылгæнджыты хъусдарды бын, фехъусын кодта Sputnik йæ разамонæг Плиты Яна.

Цхинвалы бакодтой фыццаг сабиты студи Baby boom
© Sputnik / Из архива Я.Плиевой
Цхинвалы бакодтой фыццаг сабиты студи "Baby boom"

"Baby boom" бакодтой августы райдайæны, уагдоны бындурыл кусы сабидон æмæ раг размæцыды студи.

"Нæ иунæг æнæмæнхъæуæг домæн у - саби хъуамæ цæуа къахæй. Ис нæм аздзыд сывæллæттæ дæр. Ӕмткæй сабидонмæ райсдзыстæм 14 сывæллоны онг", - загъта Плиты Яна.

Уагдон конд æрцыд Хъайтарты уынгыл, раздæры хисæрмагонд хæдзары бындуырыл йæ рацарæзты фæстæ. Сабидонæй дарддæр ма дзы æртæ азы карæй хистæр сабитимæ кусдзæн логопед.

"Сабиты раг размæцыды студимæ дæр исæм 14 сывæллоны. Семæ кусдзæн логопед, цайдагъ кæндзысты англисаг æвзагыл, сентябры ма сын фæзындзæн ныв кæныны уроктæ. Улæфт бонты сабитæн цæудзысты мастер-класстæ кулинарийæ æмæ кæсдзысты мультфильмтæм ", - бафтдта уый.

Цхинвалы бакодтой фыццаг сабиты студи Baby boom
Из архива Я. Плиевой
Цхинвалы бакодтой фыццаг сабиты студи "Baby boom"

Плиты Яна ма радзырдта, улæфт бонты æнæвдæлон ныййарджытæн сæ бон кæй уыдзæн рæстæгмæ ныууадзын уым сæ сывæллæтты.

"Baby boom"–ы нырма кусы æртæ адæймаджы, фæлæ фæстæдæр фæнд кæнынц рауæрæх кæнын сæ штат.

384