Цуаны сезон

Хуссар Иры байгом ис цуаны сезон

24
(ранӕуӕггонд 15:54 21.08.2019)
Августы цуан кӕнын ис бар ӕрмӕстдӕр хъӕддаг мӕргъты кӕцыдӕр хуызтыл. Сырдтыл цуаны сезон байгом уыдзӕн фӕззӕджы кӕрӕтты

ЦХИНВАЛ, 21 авг – Sputnik, Гӕбӕраты Элина. Хуссар Ирыстоны байгом ис цуаны сезон. Цы сырдтыл ис бар цуан кӕнын, уый тыххӕй Sputnik радзырдта геологи, экологи ӕмӕ ӕрдзӕй пайдакӕнынады комитеты сырдтӕ ӕмӕ зайӕгойты хъахъхъӕнынады хайады хистӕр Гӕззаты Юрий.

Сезонон цуан

Хайады хистӕр банысан кодта, иу азы кӕй вӕййы цуаны ӕртӕ сезоны: уалдзӕгон, фӕззӕгон-сӕрдыгон ӕмӕ фӕззӕгон-зымӕгон.

"Ацы фӕззӕгон-сӕрдыгон цуаны сезон райдыдта 1 августы ӕмӕ адаргъ уыдзӕн 1 октябрмӕ. Цуан кӕнын ис бар фӕлтӕхӕг маргъыл, се хсӕн уӕрцц, бабыз ӕмӕ бӕлӕтты цалдӕр хуызы. Ис ма дзы мӕргъты хуызтӕ, кӕцытыл нӕй бар цуан кӕнын: уыдон сты доныхъазы алкӕцы хуыз дӕр, хърихъуппытӕ, кӕсаглас ӕмӕ ӕндӕр ахӕм мӕргътӕ", - загъта Гӕззаты Юрий.

Афтӕ ма уый бахахх кодта, цуан кӕнын кӕй нӕй гӕнӕн кӕцыдӕр тугдзых мӕргътыл: уыдонмӕ хауынц уарийы алкӕцы хуыз дӕр, кӕцытӕй бирӕты бахастой Хуссар Ирыстон ӕмӕ ӕхсӕнадӕмон Сырх чиныгмӕ.

Гӕззаты Юрий банысан кодта, хъӕддаг сырдтыл цуан кӕй райдайдзӕн ноябры.

"Сырдтыл цуан кӕнын гӕнӕн ис сыфтӕр куы ркӕлы, уӕд. Цуан кӕнын ис бар ахӕм сырдтыл, куыд бирӕгъ, арс, рувас ӕмӕ зыгъарӕгыл", - загъта уый.

Гӕззаты Юрий бафтыдта, зӕгъгӕ, фӕткхалджыты фӕивар кӕндзысты 70 мин сомы бӕрц.

Бирӕгътыл цуан

Уымӕй дарддӕр ма Хуссар Ирыстоны тугдзых сырдтыл цуан –сӕйраджыдӕр, бирӕгътыл – ирхӕфсӕн нӕ вӕййы, фӕлӕ ӕмӕнгхъӕугӕ мадзал.

Хъӕууон хӕдзарады ветеринарийы хайады хистӕр Тедеты Ацӕмӕзы ныхӕстӕм гӕсгӕ, арӕх бирӕгътӕ цуан кӕнынц хӕдзарон фосыл.

"Тугдзых сырдтӕ сбирӕ сты, ӕмӕ уый фӕдыл хъӕуы райсын ӕнӕмӕнгхъӕугӕ мадзӕлттӕ, цӕмӕй зиан ма хӕссой хъӕуы цӕрджытӕн. Арӕхдӕр хӕдзарон фосмӕ бабырсынц Знауыр ӕмӕ Дзауы районы", - загъта Тедеты Ацӕмӕз.

Уый ма бафтыдта, фӕззӕджы, цуаны сезоны баконды фӕстӕ кӕй фӕкъаддӕр уыдзӕн тугдзых сырдты нымӕц.

24
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

3
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

3
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

8
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

8