Ахуырады министрад загъта йӕ хъуыды ИПФ саразыны тыххӕй Хуссар Иры

© Sputnik / Павел Лисицын /  Ахизын медиабанкмæИумӕйаг паддзахадон фӕлварӕн
Иумӕйаг паддзахадон фӕлварӕн  - Sputnik Хуссар Ирыстон
Рафыссын
Иумӕйаг паддзахадон фӕлварӕн у фӕстаг фадат хуссарирыстойнаг рауагъдонтӕн бацӕуын уӕрӕсейаг ахуыргӕнӕндӕттӕм, ӕндӕр фадӕттӕ сын куы нал вӕййы

ЦХИНВАЛ, 22 авг - Sputnik, Гӕбӕраты Ян. Хуссар Ирыстоны Иумӕйаг паддзахадон фӕлварӕн (ИПФ) саразыны фарст нӕй, фехъусын кодта пресс-конференцийыл паддзахадон информаци ӕмӕ мыхуыры комитеты республикӕйы ахуырады министры хӕдивӕг Гаглойты Элиса.

Хуссар Иры ахуырады министрад радзырдта хъӕуты куысты тыххӕй - Sputnik Хуссар Ирыстон
Фылдӕр мызд ӕмӕ хӕрдзты компенсаци: Хуссар Иры ахуырады министрад хъӕуты куысты тыххӕй

"Махӕн ис фадат бацӕуын Уӕрӕсейы ахуыргӕнӕндӕттӕм мидӕггагон фӕлварӕнты руаджы куыд ӕмбӕстӕгтӕ, кӕцытӕ цӕрынц фӕсарӕнты, кӕнӕ та квотӕты руаджы. Нӕ рауагъдонтӕ раттынц ИПФ куыд фӕстаг мадзал, ӕндӕр фадӕттӕ сын куы нал вӕййы", - загъта Гаглойты Элиса.

Министры хӕдивӕг банысан кодта, Хуссар Ирыстоны ахуырады министрад цӕгатирыстойнаг фарсимӕ ӕмгуыстады фӕлгӕтты кӕй ӕххуыс кӕны хуссарирыстойнаг рауагъдонтӕн ацӕуын Уӕрӕсемӕ Иумӕйаг паддзахадон фӕлварӕн раттынмӕ.

Ног хабӕртты лентӕ
0