Хуссарирыстойнаг тыхон структурӕтӕ рахызтысты паддзахадон арӕны хаххмӕ

Бӕрзӕндыл: Хуссарирыстойнаг тыхон структурӕтӕ рахызтысты арӕны хаххмӕ

40
(ранӕуӕггонд 10:45 05.09.2019)
Операцийы нысаниуӕг у сӕххӕст кӕнын Уисты (Цънелис) хъӕу ӕмӕ ӕндӕр арӕнгӕрон территориты ӕдасдзинад, банысан кодтой ПӔК

ЦХИНВАЛ, 5 сен - Sputnik. Хуссар Ирыстоны Знауыры районы Уисты (Цънелис) хъӕуы цур сӕрмагонд гуманитарон операци уадзыны зонӕмӕ ацыдис фӕндагон-арӕзтадон техникӕ, цӕмӕй сараза фӕндаг республикӕйы Паддзахадон ӕдасдзинады комитеты (ПӔК) арӕнгӕрон службӕйы къорды уӕвынады бынатмӕ.

Афтӕ ма дарддӕр уагъд цӕуы паддзахадон арӕны хаххы инженерон хӕрзарӕзтад.

ПӔК радзырдтой Sputnik, мадзӕлттӕ кӕй ӕххӕст кӕнынц президент Бибылты Анатолийы уынаффӕмӕ гӕсгӕ ӕмӕ сӕ нысаниуӕг у сӕххӕст кӕнын Уисты (Цънелис) хъӕу ӕмӕ ӕндӕр арӕнгӕрон территориты цӕрджыты ӕдасдзинад.

"Паддзахады сӕргълӕууӕджы уынаффӕмӕ гӕсгӕ арӕзт ӕрцыд ӕхсӕнуагдонон оперативон штаб, кӕцы ӕндӕр уагдӕттимӕ иумӕ ӕххуыс кӕндзӕн сфидар кӕнын арӕнгӕрон режим", - банысан кодтой ПӔК.

Строительная техника на высоте у села Цнелис
Пресс-служба КГБ РЮО
Арӕзтадон техникӕ Уисты хъӕуы цур бӕрзӕндыл

Цыппӕрӕмы райсом раджы Хуссар Ирыстоны ПӔК арӕнгӕрон службӕйы къорд бацахста бӕрзӕнд Уисты хъӕуы сӕрмӕ ӕмӕ ӕрсагъта уым Хуссар Ирыстоны тырыса. Уагдоны банысан кодтой, операци уагъд кӕй цӕуы Хуссар Ирыстоны президенты уынаффӕмӕ гӕсгӕ ӕмӕ хӕссы ӕрмӕстдӕр сабыр характер.

40
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

1
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

1

ХИПУ-йы йӕ куыст райдыдта исӕн къамис

3
(ранӕуӕггонд 12:07 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

3