Хуссар Иры парламенты спикер Синагурмæ балцы тыххæй

Кæй территорийыл ис пост? Хуссар Иры парламенты спикер Синагурмæ балцы тыххæй

35
(ранӕуӕггонд 11:48 05.09.2019)
Парламенты депутаттæ ацыдысты Синагурмæ, цæмæй рафæлгъауой, кæй территорийыл уагъд цæуынц куыстытæ æмæ гуырдзиаг фарс халы республикæйы паддзахадон арæн, æви нæ

ЦХИНВАЛ, 5 сен – Sputnik. Пост, кæцы гуырдзиаг фарс аразы Хуссар Ирыстоны Дзауы районы Синагуры хъæуы цур, ис Гуырдзыстоны территорийыл. Уый тыххæй журналисттæн фехъусын кодта парламенты спикер Тадтаты Алан. 

Парламенты депутаттæ ацыдысты Синагурмæ, цæмæй рафæлгъауой, куыд картæты, афтæ GPS æххуысæй дæр, кæй территорийыл уагъд цæуынц куыстытæ æмæ гуырдзиаг фарс халы республикæйы паддзахадон арæн, æви нæ.

"Ацы бынаты гуырдзиаг фарс нæ рахызт республикæйы арæнæй, нæ арæнхъахъхъæнджытæ лæууынц растдæр нæ арæны цур æмæ хъахъхъæнынц ком", - загъта спикер.

Уый ма бахахх кодта, арæны алкæцы фехæлд дæр æфхæрд кæй цæуы карзæй законмæ гæсгæ.

"Мах мæты æппары, пост арæзт кæй цæуы Хуссар Ирыстоны арæнмæ хæстæг. Ацы фарст æрывæрдзыстæм парламенты, цæмæй хъуыддаг ма ахиза уавæры дарддæры эскалацимæ", - загъта спикер.

Парламенты вице-спикер Плиты Александр дæр банысан кодта, парламент карзæй кæй æркæсдзен ацы фарстмæ.

"Мæ хъуыдымæ гæсгæ, нæй æруадзæн, цæмæй арæнмæ афтæ æввахс Гуырдзыстон аразæ йæ плокпосттæ. Мах æрдзурдзыстæм ИӔАМ нæ минæвæрттимæ, цæмæй лæмбынæг бакусой ацы фарстыл", - бахахх кодта уый.

Районы сæргълæууæг Джиоты Андрейы ныхæстæм гæсгæ, посты аразыны бынатмæ рæстæгæй рæстæгмæ æрбакæнынц техникæ, ласынц æм блоктæ, æрæджы та скъахтой траншейтæ.

"Абон райсомæ та дыууæ пикапыл æрбацыдысты се 'фсæддонтæ, къахæй æрбацыдысты паддзахадон арæны тæккæ цурмæ æмæ райдыдтой къамтæ исын", - бафтыдта уый.

Полицæйаг блокпосты арæзтады тыххæй парламентарийтæм информаци æрбацыд æртыццæджы, рабадты рæстæджы. Депутаттæ æвæстиатæй ацыдысты Синагурмæ, цæмæй бынаты феной уавæр.

Хуссар Ирыстон æмæ Гуырдзыстоны хсæн арæныл æндыгъд уавæр сæвзæрд къуырийӕ фылдӕры размӕ - республикӕйы Знауыры районы Уистӕйы (Цънелис) хъӕуы районы бынӕттон цӕрджыты хӕдзӕртты цур гуырдзиаг тыхон структурӕтӕ бавнӕлдтой блокпосты арӕзтадмӕ. Хуссар Ирыстоны ФХМ банысан кодта, ацы уавӕр кӕй хӕссы тӕссагдзинад Хуссар Ирыстоны адӕмӕн.

Хуссар Ирыстоны делегаци Инциденттӕ ма ӕруадзыны ӕмӕ сӕ аиуварс кӕныны фӕдыл механизмты форматы фембӕлды рӕстӕджы 29 августы ӕрдомдта Гуырдзыстоны минӕвӕрттӕй айсын блокпост ӕмӕ сын куы нӕ сразы сты, уӕд ацыдысты фембӕлдӕй. Уавӕры фӕдыл ногӕй ӕрдзырдтой ИӔАМ техникон фембӕлдыл майрӕмбоны. Республикӕйы генералон прокуратурӕ бакодта уголовон хъуыддаг гуырдзиаг гарзджын тыхты ӕнӕзаконон ахизыны фӕдыл арӕны уылты.

35
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6
Цхинвал

Иу ФТЦ ӕмӕ дыууӕ фыдракӕнды: Хуссар Иры МХМ ивгъуыд къуырийы уавӕры тыххӕй

3
(ранӕуӕггонд 15:03 06.07.2020)
Хуссар Ирыстоны барадхъахъхъӕнӕг уагдоны фехъусын кодтой республикӕйы криминогенон уавӕры тыххӕй 29 июнӕй 6 июлы онг

ЦХИНВАЛ, 6 июл - Sputnik. Хуссар Ирыстоны ивгъуыд къуыри ӕрцыд иу фӕндагон-транспортон-цау (ФТЦ). Аварийы фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Афтӕ ма республикӕйы фӕндӕгтыл сбӕрӕг кодтой фӕндагон змӕлды 159 фӕткхалды. Авд шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй.

Уымӕй дарддӕр республикӕйы территорийыл ӕрцыд дыууӕ фыдракӕнды, кӕцытӕ раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй ЦХинвалы мидхъуыддӕгты хайады кусджытӕ ӕрурӕдтой дыууӕ адӕймаджы, кӕцыты тӕрхондон ӕрбаздахта административон бӕрнмӕ.

3