Хуссар Иры ПӔК арӕнгӕрон службӕйы кусджытӕ Уисты хъӕуы цур посты

Гуырдзиаг тыхон структурӕтӕ сӕвӕрдтой ног пост Хуссар Иры арӕны цур

36
(ранӕуӕггонд 12:22 05.09.2019)
Мобилон пост дыууӕ хӕдтулгӕйыл фӕзынд гуырдзиаг территорийыл хуссарирыстойнаг арӕнхъахъхъӕнджыты постӕй километр дарддӕр

ЦХИНВАЛ, 5 сен - Sputnik. Гуырдзыстоны арӕнгӕрон полици сӕвӕрдта пост Уисты (Цънелис) хъӕуы цур бӕрзӕндыл хуссарирыстойнаг арӕнхъахъхъӕнджыты постӕй иу километры дарддӕр, хъусын кӕны Sputnik корреспондент цауы бынатӕй.

Цыппӕрӕмы райсомӕй республикӕйы тыхон структурӕ бацахстой бӕрзӕнд гуырдзиаг полицийы ӕнӕзаконон посты сӕрмӕ, кӕцы сӕвӕрдтой республикӕйы территорийыл 23 августы. Республикӕйы къухдариуӕгад бахахх кодта, операци кӕй хӕссы сабыр характер ӕмӕ йӕ нысаниуӕг у сӕххӕст кӕнын арӕнгӕрон хъӕуты цӕрджыты ӕдасдзинад.

Фӕстӕдӕр, 7.00 сахатыл хуссарирыстойнаг арӕнхъахъхъӕнджыты цӕстдарӕг постытӕ 1,5 километры фалдӕр федтой Евроцӕдисы цӕстдарджыты къорд. Миссийы дыууӕ кусӕджы сӕ цӕст дардтой уавӕрмӕ арӕныл.

Уый фӕстӕ иу километры фалдӕр гуырдзиаг фарс сӕвӕрдта арӕнгӕрон полицийы пост дыууӕ хӕдтулгӕйыл, кӕцыйы сконды ис аст адӕймаджы онг.

Уымӕй дарддӕр 11.00 сахатыл сбӕрӕг кодтой гуырдзиаг ӕнӕпилотон тӕхӕг аппараты атахт. Уӕлдӕфон арӕн уый нӕ фехӕлдта.

  • Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    © Sputnik / Виталий Денисов
  • Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    © Sputnik / Виталий Денисов
  • Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    © Sputnik / Виталий Денисов
  • Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    Хуссар Иры ПӔК арӕнгӕрон службӕйы кусджытӕ Уисты хъӕуы цур посты
    © Sputnik / Виталий Денисов
1 / 4
© Sputnik / Виталий Денисов
Хуссар Иры ПӔК арӕнгӕрон службӕйы кусджытӕ Уисты хъӕуы цур посты

Хуссар Ирыстоны арӕныл уавӕры эскалаци райдыдта иу къуырийӕ фылдӕры размӕ, гуырдзиаг полици куы бавнӕлдта блокпосты арӕзтадмӕ Уистӕйы хъӕуы цур, уӕд.

Хуссар Ирыстоны делегаци Инциденттӕ ма ӕруадзыны ӕмӕ сӕ аиуварс кӕныны фӕдыл механизмты форматы фембӕлды рӕстӕджы 29 августы ӕрдомдта Гуырдзыстоны минӕвӕрттӕй айсын блокпост ӕмӕ сын куы нӕ сразы тсы, уӕд ацыдысты фембӕлдӕй. Уый фӕстӕ ацыд ноджы фембӕлды ИӔАМ форматы, фӕлӕ сӕ хайадисджытӕ не рцыдысты компромиссмӕ. Хуссар Ирыстоны къухдариуӕгад уадзы мадзӕлттӕ, цӕмӕй сӕххӕст кӕна ӕдасдзинад Уистӕйы районы арӕны хайыл.

36
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

4
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

4
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0