Цхинвалы аварийон скъолайы ахуыргӕнинӕгтӕ банысан кодтой Зонындзинӕдты бон

Цхинвалы аварион скъолайы ахуыргӕнинӕгтӕ банысан кодтой Зонындзинӕдты бон

20
(ранӕуӕггонд 12:43 05.09.2019)
Хуссар Ирыстоны скъолаты цыппӕрӕмы нысан кӕнынц Зонындзинӕдты бон

ЦХИНВАЛ, 5 авг - Sputnik, Гӕбӕраты Элина. Фыццаг дзӕнгӕрӕг айзӕлыд Хуссар Ирыстоны скъолаты. Бӕрӕгбонон линейкӕтӕ ацыдысты республикӕйы столицӕ ӕмӕ районты скъолаты, се хсӕн цхинвайлаг ӕртыккӕгӕм скъолайы дӕр.

Ӕртыккӕгӕм скъола у республикӕйы иууыл рагондӕр скъолатӕй иу, кӕцы сарӕзтой 1934 азы. Ныртӕккӕ скъолайы агъуыст банымадтой аварионыл, уый фӕстиуӕгӕн аскъуыддзаг кодтой рӕстӕгмӕ акӕнын ахуыргӕнджытӕ ӕмӕ скъоладзауты дыууадӕсӕм скъоламӕ, фӕлӕ ахуыргӕнинӕгтӕ уӕддӕр банысан кодтой Зонындзинӕдты бон сӕхи скъолайы раз.

Ахуыргӕнджытӕ ӕмӕ скъоладзаутӕн раарфӕ кӕнынмӕ ӕрбацыд Мидхъуыддӕгты министрады (МХМ) сӕргълӕууӕджы хӕдивӕг Цхуырбаты Андрей.

"Уӕ скъола у горӕты иууыл хуыздӕр скъолатӕй иу. Мӕ цӕст уын уарзы, цӕмӕй уын ацы ахуырадон аз ӕрхӕсса стыр ӕнтыстытӕ, уӕлахизтӕ олимпиадӕты, конкурсты ӕмӕ спорты", - банысан кодта министры хӕдивӕг.

Скъолайы директор Бестауты Мӕдинӕ дӕр раарфӕ кодта ахуыргӕнинӕгтӕ ӕмӕ сӕ ныййарджытӕн ног ахуырадон азы райдайӕны цытӕн ӕмӕ сын загъта бузныг иузӕрдыгдзинады тыххӕй.

"Зынаргъ коллегӕтӕ ӕмӕ ахуыргӕнинӕгтӕ, ӕз дзурын алкӕмӕдӕр, чи баззад немӕ иууыл уӕззаудӕр рӕстӕджыты. Хъӕуы ма нӕ бафӕразын иу аз, ӕмӕ нын стӕй уыдзӕн алцыдӕр хорз. Нӕ скъолайы ног ӕртӕуӕладзыгон агъуыстмӕ мах ӕрыздӕхдзыстӕм 2020 азы зымӕджы", - загъта Бестауты Мӕдинӕ.

Скъолайы директор Бестауты Мӕдинӕ куыд радзырдта Sputnik, афтӕмӕй сывӕллӕтты сӕхи бафӕндыд банысан кӕнын ног ахуырадон азы райдайӕн сӕхи скъолайы.

Абоны бон скъолайы ис 16 рауагъдоны, фарон азы кӕрӕтты ахуыргӕнӕндоны уыд 96 скъоладзауы.

Хуссар Ирыстоны ахуыргӕнӕндӕтты ахуырадон аз райдыдта 5 сентябры. Уый фӕдыл барамынд бафыста фарон республикӕйы президент. Республикӕйы къухдариуӕгады скъуыддзаг баст у Беслӕны трагедийы афӕдзы боныл.

20
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5