Хуссар Иры ӕфсӕддонтӕ цӕттӕ кӕнынц Республикӕйы боны цытӕн парадмӕ

Хуссар Иры ӕфсӕддонтӕ цӕттӕ кӕнынц Республикӕйы боны цытӕн парадмӕ

29
(ранӕуӕггонд 14:29 05.09.2019)
Республикӕ Хуссар Ирыстон расидыны 28 афӕдзы боны цытӕн ӕфсӕддон парад ацӕудзӕн 20 сентябры

ЦХИНВАЛ, 5 сен – Sputnik. Хуссар Ирыстоны Хъахъхъӕнынады министрад райдыдта цӕттӕ кӕнын ӕфсӕддон парадмӕ, кӕцы нывонд у Республикӕйы бонӕн. Уый тыххӕй хъусын кӕны уагдоны пресс-службӕ.

Парады тренировкӕтӕ уагъд цӕуынц РХИ генералон штабы хистӕр Виктор Федоровы къухдариуӕгады бын.

Военные Южной Осетии готовятся к военному параду
Хуссар Иры ӕфсӕддонтӕ цӕттӕ кӕнынц Республикӕйы боны цытӕн парадмӕ

Цӕттӕкӕнынады хайад исынц Хъахъхъӕнынады министрад, Мидхъуыддӕгты министрад, Уӕлвӕткон уавӕрты министрад ӕмӕ уӕрӕсейаг ӕфсӕддон базӕйы парадон къордтӕ.

Республикӕ Хуссар Ирыстон расидыны 28 афӕдзы боны цытӕн ӕфсӕддон парад ацӕудзӕн 20 сентябры Цхинвалы сӕйраг фӕзуатыл.

29
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5