Цъинагар

Бæрæгбон, дон æмæ фæндаг: цæмæй цæры Чысангом

78
(ранӕуӕггонд 15:18 06.09.2019)
Цъинагар æмæ Орчъосанмæ арæзт цæуы фæндаг, хъæутæй иу бацис ног скъолайы хицау, аннæ æнхъæлмæ кæсы ног спортивон залмæ

ЦХИНВАЛ, 5 сен — Sputnik, Плиты Фатимæ. Ленингоры районы егъау хъæутæ - Цъинагар æмæ Орчъосан - сæмбæлдысты Зонындзинæдты бæрæгбоныл. Чысангоммæ сабитæ æмæ ахуыргæнджытæн раарфæ кæнынмæ фæуазæг ис президент Бибылты Анатолий.

Цинагар
© Sputnik / Фатима Плиева
Чысангоммæ фæуазæг ис президент Бибылты Анатолий.

Хуссар Ирыстоны столицæйæ Ленингоры районы егъаудæр хъæутæ Цъинагар (Ӕмдзæрин) æмæ Орчъосанмæ кæны 60 километры дæрддзæф фæндаг. Громы онг ис асфальт фæндаг, стæй хæдтулгæ ахизы æвзæрвадат фæндæгтæм. Рыджы асæсты ма машинæтæн равзæрæн ис се ʻндæргтæ. Фæлæ егъау цæрæн пункттæ бынтон æнæхъусдард не ʻсты, фæндаг ныридæгæн цæуы арæзт. Ам бæз-бæз кæнынц уæзласæн машинæтæ, хуыры обаутæ, ног хафт фæндаджы уæлцъар, хидты бындуртæ æвдисæн сты ацы комы цæрджытæм дæр амонд кæй бахудт.

"Тынг тыхстыстæм фæндаджы тыххæй, нæ проблемæйы фæдыл бахатыдыстæм хицауадмæ дæр. Ног фæндаг нын нæ цард зынгæ фæхуыздæр кæндзæн", - дзуры хъæуы цæрæг Уасил.

Цъинагар, науæд та Ӕмдзæрин - ахæм ном радтой хъæуæн цалдæр азы размæ сæрмагонд къамис, фæлæ йæ хъæуы цæрджытæ не ʻруарзтой. Сæхи раздæрау хонынц Цъинагар.

"Официалонæй хуыйны Ӕмдзæрин, фæлæ нæ зæрæмæ не ʻрцыд. Ӕнусы райдайæны, колхозтæ куы райдыдтой аразын, уæд ам фæзынд коммуна, къамис Цъинагар банымадта гуырдзийаг ныхасыл æмæ йæ схуыдта коммуна иронау – Ӕмдзæрин", - зæгъы Гусойты Ласкъо.

Цинагар
© Sputnik / Фатима Плиева
Зонындзинæдты бæрæгбон Цъинагары

Хъæуы тæккæ центры æрæмбырд сты сæйраг административон бæстыхæйттæ, СФХ цырт, арæзт цæуы спортивон зал, йæ фæстаг тыхтæй лæггад кæны дыууæуæладзыгон 50-аздзыд скъола. Ацы аз райстой æртæ фыццагкъласоны. Скъоладзаутæ уæлдай райзæрдæйæ æмбæлынц сæ бæрæгбоныл – фæуазæг сæм ис президент. Паддзахады разамонæг столицæйы скъолаты иувæрсты бацыд уыдонмæ, бахаста сын лæвæрæн телевизор.

"Уæ зæрдæтæ райæт скъоладзауты ахуырæй, уый фæстæ та сын сæ сгуыхтдзинæттæ æмæ æнтыстытæй сæрыстыр ут. Уæ сæйраг хæс у скъола байдзаг кæнын ахуырдзаутæй, дыккаг та хорз ахуыр кæнын. Кæд уæм абон ис æртæ фыццагкъласоны, уæд сæ фидæнмæ та 23–мæ скæнут", - загъта президент йæ раныхасы.

Бибылты Анатолий ма баныфсæвæрдта скъолайы фарсмæ æрдæгарæзт спортивон залы арæзтад дæр балхынцъ кæнын.

Зонындзинæдты бæрæгбоныл Цъинагары сæмбæлд æдæппæтй 54 ахуырдзауы.

Цинагар
© Sputnik / Фатима Плиева
Цъинагар

"Цыппар нæм ис рауагъдонтæ, æртæ фыццагкъласонтæ. Æппæт ахуыргæнджытæ дæр нæм ис, иу ахуыргæнæг цæуы горæтæй. Чингуытæй дæр стæм æххæст, ирон чингуытæ райстам бынтон нæуджытæ. Скъолайы бæстыхай 1970 азы скуыста æмæ ныр æрцыд мæгуырау уагмæ, нæй дзы хъармгæнæн система. Фæлæ нын æй иннæ азмæ капиталон ремонтмæ бахастой", - загъта Sputnik скъолайы директор Гусойты Ласкъо.

Цъинагарæй чысыл фалдæр ма ис районы егъаудæр хъæутæй иу – Орчъосан. Дыууæ хъæуы хсæн ис æнæкæрон быдыртæ, кæмдæр цæуынц тыллæгæфснайæн куыстытæ, кæмдæр та хуымгæнæн куыст.

  • Уынгтыл æмбæлы бирæ хæдзарон фос
    Уынгтыл æмбæлы бирæ хæдзарон фос
    © Sputnik / Фатима Плиева
  • Цъинагар
    Цъинагар
    © Sputnik / Фатима Плиева
  • Уынгтыл æмбæлы бирæ хæдзарон фос
    Уынгтыл æмбæлы бирæ хæдзарон фос
    © Sputnik / Фатима Плиева
  • Уынгтыл æмбæлы бирæ хæдзарон фос
    Уынгтыл æмбæлы бирæ хæдзарон фос
    © Sputnik / Фатима Плиева
1 / 4
© Sputnik / Фатима Плиева
Уынгтыл æмбæлы бирæ хæдзарон фос

Хъæуы центры 2017 азы самадтой дыууæуæладзыгон скъола. Ам æмрæстæджы уæвынад кæны сабидон дæр, йæ хъомылгæнинæгтæ дæр абон бæрæгбоны линейкæйы раз æрлæууыдысты. Ацы скъола сси президенты балцы радон пункт, уый дæр райста паддзахады разамонæгæй лæвар.

Цинагар
© Sputnik / Фатима Плиева
Хъæуты цæрджытæ тыхсынц доны цухдзинадæй

Ам ахуырдзауты нымæц у зынгæ къаддæр, æрбаиу сæм ис Абреуы скъолайы ахуырдзаутæ дæр. Орчъосаны скъолайы ахуырдзинад исынц уæрæсейаг арæнхъахъхъæнджыты сабитæ дæр.

"Ӕнхъæлмæ уæм кæсæм республикон олимпиадæтæ æмæ конкурсты", - загъта Ахуырады министр Гасситы Натали.

Линейкæйы ахуырдзауты нымæцы уыдысты ногдзаутæ дæр, уыдон ралæууыдысты бур хъуырбæттæнты.

"Нæ ногдзауты организаци йæ фембæлдты архайы арфдæр сахуыр кæнын Къостайы сфæлдыстад, цæттæ кæнæм мадзæлттæ", - зæгъы  ногдзау Елойты Залина.

Орчъосайнæгтæ ныридæгæн тыхсынц доны цухдзинадæй. Хъæуы ма цæры сæдæ хæдзары бæрц, раздæры дыууæсæдæйæ фылдæрæй.

"Скъола нын кæй сарæзтой, уый тыххæй стыр бузынг стæм, арæзт цæуы ног фæндаг, уый дæр диссаджы хорз хъуыддаг у. Цыппар азы размæ рауагътой дон, фæлæ нын сæрды рæстæджы не ʻххæсы. Нæхи маршруткæ нын радтой æмæ Цхинвалмæ цæуы æдзух, иу рейс та къури цæуы районы центр Ленингормæ", - дзуры хъæуы цæрæг Сохъуырты Анзор.

Орчъосан æмæ Цъинагар нымад цæуынц Хуссар Иры хъæууон хæдзарады фадæджы иууыл размæцыддæр хъæутыл.

Цинагар
© Sputnik / Фатима Плиева
Уынгтыл æмбæлы бирæ хæдзарон фос.
78
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

4
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

4
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

14
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

14