Премьер радта рекомендацитӕ аразджытӕн Къуайсайы

Цӕст дарын ӕмгъуыдмӕ ӕмӕ боныгъӕдмӕ: премьер радта рекомендацитӕ аразджытӕн Къуайсайы

23
(ранӕуӕггонд 13:47 06.09.2019)
Хуссар Ирыстоны хицауады сӕрдар бабӕрӕг кодта объекттӕ, кӕцытӕ арӕзт цӕуынц горӕт Къуайсайы Инвестпрограммӕйы фӕлгӕтты

ЦХИНВАЛ, 6 сен - Sputnik. Хицауады сӕрдар Пухаты Эрик кусӕгон балцы рӕстӕджы горӕт Къуайсамӕ радта рекомендацитӕ аразджытӕн, цӕмӕ сӕ цӕст дарой ӕмгъуыдмӕ ӕмӕ боныгъӕдмӕ. Хицауады пресс-службӕйы кусӕг куыд хъусын кӕны, афтӕмӕй, премьер-министр райгонд баззад объекттыл куыстытӕй, кӕцытӕ арӕзт цӕуынц 2019 азы Инвестпрограммӕйы фӕлгӕтты.

Хицауады сӕрдар бабӕрӕг кодта Хетӕгкаты Къостайы уынг, кӕцыйы хӕрзарӕзтад нывӕндынц балхынцъ кӕнын октябры.

"Ныртӕккӕ арӕзт цӕуынц хӕрзарӕзтадон куыстытӕ. Проекты аргъ у 30 милуан соммӕ ӕввахс", - дзырдӕуы хъусинаджы.

Афтӕ ма Пухаты Эрик бабӕрӕг кодта "Везур-Къуайса" донифтонгады станц, кӕцыйӕ нуазыны дон цӕуы горӕтмӕ ӕмӕ ӕввахс цӕрӕг пункттӕм. Объект хъуамӕ сцалцӕг кӕной, саразой дзы резервуартӕ, афтӕ ма ссыгъдӕг кӕной фӕндаг, кӕцы цӕуы доны станцмӕ.

Станцыл куыстытӕ уагъд цӕуынц хорз темпты, объекты арӕзтады аргъ у ӕхсӕз милуан сомы.

23
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5