Гимнази Альбион-ы 4б кълас

Сабитæ сабитæн: ахуырдзаутæ 1 сентябрьмæ хæрдзты фæрæзтæ радтой хæрзаудæн фондæн

75
(ранӕуӕггонд 12:55 06.09.2019)
Ӕрвылаз зонындзинæдты бæрæгбонмæ Цхинвалы ныууæй кæнынц мингай букеттæ, сæ аргътæ вæййынц æртæ сæдæйæ дыууæ мины онг

ЦХИНВАЛ, 6 сен — Sputnik, Плиты Фатимæ. Хуссар Иры гимнази "Альбион"-ы цыппæрæмкъласонтæ зонындзинæдты бæрæгбонмæ ахуыргæнæгæн зæрдылдарæн лæвары бæсты сæ фæрæзтæ радтой фонд "Лæвар базыртæ"-н. Фæрæзтæ здæхт æрцæудзысты коррекцион къласы куыстмæ, фехъусын кодта Sputnik фонды разамонæг Цхуырбаты Татьяна.

Ахуыргæнæгæн уагдоны 4в кълас æрæмбырд кодтой сæ фæрæзтæ æмæ балхæдтой иу букет сæ ахуыргæнæгæн, аннæ фæрæзтæ радтой хæрзаудæн фондæн.

"Мæ хъуыдыйы уый у фыццаг ахæм хæрзаудæн акци, куы мын æй загътой уæд мæ цæссыгтæ акалдтон. Суммæ ахадгæ нæу, фæлæ сæхи хъуыдыйы ахæм хорздзинад кæй 'рцыд, уый раппæлинаг у. Ацы фæрæзтæ хардз æрцæудзысты коррекцион къласыл, балхæндзыстæм сын канцтовартæ æмæ хъазæнтæ", - загъта Цхуырбаты Татьяна.

Коррекцион къласы ис 12 сывæллоны бæрц.

Ӕрвылаз зонындзинæдты бæрæгбонмæ Цхинвалы ныууæй кæнынц мингай букеттæ, сæ аргътæ вæййынц æртæ сæдæйæ дыууæ мины онг.

75
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

4
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

4
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0