Милици фæфылдæр кодта йæ нарядтæ Хуссар Иры скъолатæ æмæ сабидæтты цур

Милици фæфылдæр кодта йæ нарядтæ Хуссар Иры скъолатæ æмæ сабидæтты цур

22
(ранӕуӕггонд 11:39 10.09.2019)
Милиционертæ сæ хъус дарынц ахуырадон цуагдæтты цур æхсæнадон фæтк æмæ фæндагон змæлды æдасдзинадмæ, баныман кодтой МХМ

ЦХИНВАЛ, 10 авг - Sputnik. Ахуыры азы райдайæнæй Хуссар Ирыстоны барадхъахъхæнæг органтæ райстой фæтыхджындæргонд хъусдардмæ республикæйы скъолатæ æмæ сабидæтты цур фæндæгтæ. Уый арæзт æрцыд ахуырадон уагдæтты цур æхсæнадон фæтк æмæ фæндагон змæлды æдасдзинад бахъахъхъæныны нысанæн, фехъусын кодта МХМ пресс-службæйы минæвар Джиоты Алик.

Сотрудники милиции у входа в школу в Цхинвале
Пресс-служба МВД РЮО
Милици фæфылдæр кодта йæ нарядтæ Хуссар Иры скъолатæ æмæ сабидæтты цур

Йæ ныхæстæм гæсгæ, сабитæй бирæты айрох вæййы фæндагыл хи дарыны элементарон фæткойтæ. Ноджы ма иу тæссагдзинад та æвзæрын кæнынц, фæндагон æдасдзинадмæ уæлæнгай ахаст кæмæн ис, ахæм шофыртæ.

Сотрудник милиции на дороге перед школой в Цхинвале
Пресс-служба МВД РЮО
Милици фæфылдæр кодта йæ нарядтæ Хуссар Иры скъолатæ æмæ сабидæтты цур

Сабиты хайадистæй фæндагон-транспортон цаутæ фæкъаддæр кæныны нысанæн Паддзахадон автоинспекцийы кусджытæ ахуыры азы райдайæнæй фæстæмæ уадзынц скъоладзаутимæ профилактикон мадзæлттæ, æрбаиу ма сæм кæнынц сæ ахуыргæнджытæ æмæ ныййарджыты дæр.

 

22
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

3
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

3
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

13
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

13