Хуссарирыстойнаг тележурналист райста æхсæнадæмон фестивалы хорзæхтæ

Хуыздæр телеочерк: хуссарирыстойнаг журналист райста æхсæнадæмон кинофестивалы хорзæхтæ

110
(ранӕуӕггонд 17:26 10.09.2019)
Журналист Санахъоты Маринайы телеочерк рахицæн кодтой фестиваль "Любовь в каждом сердце"-йы хорзæхтæй дыууæ номинацийы

ЦХИНВАЛ, 10 сен — Sputnik, Плиты Фатимæ. Хуссар Ирыстоны паддзахадон телерадиокомпани "Ир"-ы исæн къорд райста æхсæнадæмон кинофестиваль "Любовь в каждом сердце"-йы хорзæхтæ дыууæ номинацийы. Уыдон рахицæн кодтой Хуссар Иры адæмон ахуыргæнæгыл телеочерк "Штрихи к портрету"-йы тыххæй, фехъусын кодта Sputnik алæвæрды автор Санахъоты Марина.

Фестиваль "Любовь в каждом сердце"-мæ сæ куыстытæ бавдыстой 25 республикæйæ автортæ æмæ режиссертæ. Мадзал цыд Мæскуыйы областы горæт Дзержинскы.

"Конкурсон нывæзты архайдтой 300 куысты, уыдонæй æрмæстдæр рахицæн кодтой 60. Нæ куыст расгуыхт дыууæ номинацийы - нымад æрцыд хуыздæр телеочеркыл æмæ райста сæрмагонд приз кæсджыты зæрдæмхицты тыххæй", - загъта автор.

Уый ма банысан кодта, Хуссар Иры ном хъуыстгонд у фылдæр бæрцæй хæстон архæйдтыты руаджы, уымæ гæсгæ хъæуы архайын республикæйы æвæрццаг фæлгонц саразын.

"Махæй райстой интервьютæ кæцыдæр телеканалтæ, сæвзæрын сæм кодтам цымыдис. Мæнæн æхсызгон уыд, мах ныр æрмæст хæстон цауты фæрцы нæ базондзысты, фæлæ ам кæй цæры сгуыхт ахуыргæнджытæ, кадджын дохтыртæ, аивады курдиатджын адæм, кæцытæ тауынц рæсугъдзинад æмæ амайынц сæ бæстæ", - загъта Санахъоты Марина.

Уый ма бафтыдта, сæ очерк сын фæнд кæнынц равдисын Мæскуыйы кæцыдæр библиотекæты ахуырдзаутæн ахуыргæнæджы бонæн нывонд мадзæлтты фæлгæтты.

Хуссарирыстойнаг тележурналист райста æхсæнадæмон фестивалы хорзæхтæ
© Sputnik / Из архива М. Санакоевой
Санахъоты Марина

ПТРК "Ир" æхсæнадæмон кинофестивалы æркастмæ арвыста æртæ очеркы, уыдонæй æрмæстдæр иу банымадтой хорзæхы аккаг. Телеочерк "Штрихи к портрету" таурæгъ кæны Хуссар Иры адæмон ахуыргæнæг Дзанайты Этери Дмитрийы чызджы цардвæндагыл. Сылгоймагыл цæуы 90 азы, уыдонæй 60 бæрц уый снывонд кодта ахуыргæнæджы куыстæн.

Ныридæгæн Дзанайты Этери ис пенсийы, фæлæ исы ахуырдзаутæ хæдзары. Иттæг хорз педагогон архайдæй дарддæр сылгоймагæн ис цымыдисон цардвæндаг. Райгуырд Гуырдзыстоны, ивгъуыд æнусы 20 æзты ирон адæмы геноциды фæстæ ирон бинонты бахъуыд ралидзын Ирыстонмæ, чындзы ацыды фæстæ йæ бинойнагимæ иумæ ацыдысты Донецкмæ, уым дæр кодта педагогон куыст. Дзанайты Этерийы хъысмæты здыхст фæндæгтæ журналист Санахъоты Марина æмæ оператор Кокойты Александр радæттой сæ очеркы.

110
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

3
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

3
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

13
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

13