Джеры дзуар

Джеры дзуары цæуынц цалцæггæнæн куыстытæ

113
(ранӕуӕггонд 14:36 11.09.2019)
Кувæндоны куыстытæ уадзынц цыртдзæвæнтæ хъахъхъæныны хайады цæстдарды бын, арæзтад балхынцъ уыдзæн 10 боны æмгъуыдмæ

ЦХИНВАЛ, 11 сен — Sputnik, Плиты Фатимæ. Хуссар Ирыстоны иууыл стырдæр кувæндæттæй иуы цæуынц цалцæггæнæн куыстытæ. Алайнаг епархи Хъахъхъæнынады министрадимæ иумæ ивынц Джеры дзуары агъуыст, фехъусын кодта хъахъхъæнынады министры уынаффæгæнæг Тыджыты Алан.

Джеры дзуар нымад у Хуссар Иры иууыл кадджындæр кувæндæттæй иуыл. Æрвылфæззæг уырдæм сæхи фæдзæхсынмæ ссæуынц мингай адæймæгтæ, сыгъдæг бынатмæ æрцæуынц фæсарæнтæй дæр.

"Цалцæггæнæн куыстытæ цæуынц Джеры кувæндоны. Ивд цæуы йæ агъуыст æмæ йæ бахизæны цар. Ӕмбæрзæн агури самал кодтам Германы. Уый баххæст кæндзæн кувæндоны рагон æддаг бакаст. Боныгъæд нæ куы бауадза, уæд дæс боны æмгъуыдмæ куыстытæ балхынцъ уыдзысты", - загъта Тыджыты Алан.

Уый ма радзырдта, фæстаг хатт Джеры дзуары цалцæггæнæн куыстытæ кæй цыдысты 1995 азы.

"Уæды дуджы дæр кувæндоны арæзтад йæхимæ райста Хъахъхъæнынады министрады бындурæвæрæг Хуыбылты Валерий, уæдæй фæстæмæ йæм аразджытæ нæ бавнæлдтой", - бафтыдта уый.

Джеры дзуары кувæндоны арæзтадæн хонынц æндæр æмæ æндæр датæтæ. Гуырдзыстоны архивон документтæм гæсгæ, уый арæзт æрцыд VI æнусы.

  • Джеры дзуары цæуынц цалцæггæнæн куыстытæ
    Джеры дзуары цæуынц цалцæггæнæн куыстытæ
    Из архива А.Тигиева
  • Джеры дзуары цæуынц цалцæггæнæн куыстытæ
    Джеры дзуары цæуынц цалцæггæнæн куыстытæ
    © Sputnik / Из архива А.Тигиева
  • Джеры дзуары цæуынц цалцæггæнæн куыстытæ
    Джеры дзуары цæуынц цалцæггæнæн куыстытæ
    Из архива А.Тигиева
  • Джеры дзуары цæуынц цалцæггæнæн куыстытæ
    Джеры дзуары цæуынц цалцæггæнæн куыстытæ
    Из архива А.Тигиева
1 / 4
Из архива А.Тигиева
Джеры дзуары цæуынц цалцæггæнæн куыстытæ
113
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

4
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

4
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

13
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

13