Игорь Кошин

Ӕмбӕлон кусӕгон процесс: Игорь Кошин саргъ кодта Инвестпрограммӕйы реализацийӕн

28
(ранӕуӕггонд 11:43 11.09.2019)
Цӕгат Кавказы хъуыддӕгты фӕдыл министры хӕдивӕг Игорь Кошин йӕ балцы фӕлгӕтты Хуссар Ирыстонмӕ хайад райста Инвестпрограммӕйы реализацийы фӕдыл рабадты

ЦХИНВАЛ, 11 сен – Sputnik, Козаты Диана. Инвестицион программӕйы реализаци, Уӕрӕсеимӕ социалон-экономикон ӕмгуыстады фарстытӕ ӕмӕ УФ Кавказы хъуыддӕгты фӕдыл министрады делегацийы кусӕгон балцы фӕстиуджыты тыххӕй ӕрдзырдтой рабадтыл, кӕцы дыццӕджы ауагъта Бибылты Анатолий.

Цхинвалмӕ знон ӕрцыд Цӕгат Кавказы хъуыддӕгты фӕдыл министры хӕдивӕг Игорь Кошин ӕмӕ министрады ӕхсӕнадӕмон ӕмгуыстады департаменты хистӕр Антон Мельник. Уыдон бабӕрӕг кодтой столицӕйы цалдӕр арӕзтадон объекты, фембӕлдысты президентимӕ ӕмӕ хайад райстой кусӕгон рабадты.

Президенты пресс-службӕ куыд хъусын кӕны, афтӕмӕй Бибылты Анатолий загъта уыдонӕн бузныг сӕ хъусдарды тыххӕй Хуссар Ирыстоны социалон-экономикон райрӕзтмӕ.

"Уырны мӕ, инвестицион программӕ реализаци кӕй цӕуы хорз ӕмвӕзадыл. Кӕй зӕгъын ӕй хъӕуы, ис дзы фарстытӕ, кӕцытӕ хъӕуы аскъуыддзаг кӕнын, фӕлӕ уыдон нӕ бандавдзысты Инвестпрограммӕ сӕххӕст кӕныны фӕстиуӕгыл", - загъта президент.

Йӕ ныхӕстӕм гӕсгӕ, объекттӕ сты ахсджиаг. Цӕвиттонӕн президент ӕрхаста гуырӕн хӕдзар, кӕцыйӕн ис бӕрзонд техникон ӕмӕ инженерон ӕмвӕзад.

Игорь Кошин банысан кодта, Инвестпрограммӕмӕ хъусдард ӕххӕст кӕй цӕуы иудадзыг.

"Фарон азӕй фӕстӕмӕ нӕ ӕмархайд рахызт ног ӕмвӕзадмӕ. Кӕй зӕгъын ӕй хъӕуы ис дзы объекттӕ, кӕцыты ис фиппаинӕгтӕ. Фӕлӕ уый у ӕмбӕлон кусӕгон процесс. Иууыл ахсджиаг дӕр у уый ӕмӕ хицауады сӕрдар ӕрвылкъуыри йӕ цӕст дары арӕзтадмӕ", - банысан кодта министры хӕдивӕг.

Афтӕ ма Игорь Кошин радзырдта, Хуссар Ирыстонмӕ балцы фӕлгӕтты кӕй бабӕрӕг кодта Инвестицон программӕйы объекттӕ, кӕцыты хсӕн рахицӕн кодта гуырӕн хӕдзары ног агъуыст.

"Ахӕм объекттӕ Уӕрӕсейы дӕр бирӕ нӕй. Кӕд йӕ баконд бандава республикӕйы демографион уавӕрыл, уӕд махӕн уый уыдзӕн ӕхсызгон", - загъта уый.

28
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

3
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

3
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

13
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

13