Нотариус

Кусын законы фӕлгӕтты: Цхинвалы ӕрдзырдтой нотариалон конторӕты проблемӕтыл

12
(ранӕуӕггонд 15:13 11.09.2019)
Хуссар Ирыстоны юстицийы министр ӕрдзырдта нотариустимӕ кусӕгон моментты тыххӕй

ЦХИНВАЛ, 11 сен - Sputnik, Гӕбӕраты Элина. Горӕт ӕмӕ районты нотариалон конторӕты проблемӕтыл ӕрдзырдтой кусӕгон рабадты рӕстӕджы Хуссар Ирыстоны юстицийы министр Лалыты Зӕлинӕимӕ.

Юстицийы министрад иудадзыг басгары нотариалон конторӕтӕ, фехӕлдты фӕдыл ӕрдзурынц кусӕгон уавӕры, цӕмӕй мауал бауадзой ахӕм рӕдыдтытӕ фидӕны.

Адвокатурӕ, ЗАГС ӕмӕ нотариатмӕ хъусдарды хайады хистӕр Цхуырбаты Лаура радзырдта, ацы аз кӕй ауагътой дыууӕ нывӕзтон басгӕрст – фыццаг нотариалон конторӕйы ӕмӕ дыккаг паддзахадон нотариалон конторӕйы.

"Сӕйраджыдӕр, басгӕрстам нотариалон хъуыддӕгтӕ аразыны фӕтк, реестрты кӕнынад. Куыст алыран дӕр ӕххӕст цӕуы хорз ӕмвӕзадыл. Фыццаг нотариалон конторӕйы вӕййынц вазыгджын категорийы хъуыддӕгтӕ, фӕлӕ семӕ вӕййынц квитанцитӕ иууылдӕр", - загъта хайады хистӕр.

Дыккаг нотариалон конторӕйы ссардтой чысыл фиппаинӕгтӕ регистрацийы реестртӕ аразыны рӕстӕджы.

Афтӕ ма рабадты рӕстӕджы ӕрдзырдтой фӕсарӕйнаг ӕвзӕгтӕй документаци тӕлмац кӕнын ӕмӕ сӕ легализацийы фарстыл. Лалыты Зӕлинӕ бахахх кодта, республикӕйы кӕй нӕй лингвистон къамис зонадон-иртасӕн институты, цы ран профессионалон тӕлмацгӕнджытӕн сӕ бон уыдаит тӕлмац кӕнын фӕсарӕйнаг документтӕ.

Фембӕлды рӕстӕджы ма ӕрдзырдтой кадастрон хыгъды фарстытыл, се хсӕн фатертӕ ӕмӕ зӕххы хӕйтты фӕзуаттӕ сбарыны проблемӕ.

12
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0