Цхинвалы ӕрӕхгӕдтой фӕндагон змӕлд цалдӕр централон уынгыл

Цхинвалы ӕрӕхгӕдтой фӕндагон змӕлд цалдӕр централон уынгыл

26
(ранӕуӕггонд 12:18 16.09.2019)
Фӕндагон змӕлд ӕхгӕд уыдзӕн къуырисӕры, дыццӕджы ӕмӕ ӕртыццӕджы райсомӕй парады репетициты кӕронмӕ, фехъусын кодтой Мидхъуыддӕгты министрады

ЦХИНВАЛ, 16 сен - Sputnik. Хуссар Ирыстоны столицӕйы цалдӕр централон уынгыл транспорты змӕлд уыдзӕн ӕхгӕд къуырисӕрӕй ӕртыццӕгмӕ ӕфсӕддон парады репетицийы тыххӕй, кӕцы ацӕудзӕн Республикӕйы бон 20 сентябры, фехъусын кодта Мидхъуыддӕгты министрады (МХМ) пресс-службӕйы кусӕг Джиоты Алик.

"Республикӕ Хуссар Ирыстон расидыны 29-ӕм афӕдзы боны цытӕн парады генералон репетицитӕ ауадзын ӕмӕ ӕхсӕнадон фӕтк бахъахъхъӕныны тыххӕй сӕхгӕндзысты уынгтӕ Мӕскуыйаг - Сталины, Мӕскуыйаг - Октябры ӕмӕ Джиоты Аланы проспект - Хъоцыты Къостайы уынджы алвӕндӕгтыл 16, 17 ӕмӕ 18 сентябры райсом аст сахатӕй фӕстӕмӕ", - радзырдта МХМ минӕвар.

Фӕндагон змӕлд ӕхгӕд уыдзӕн репетициты кӕронмӕ, банысан кодтой уагдоны.

Хуссар Ирыстоны Республикӕйы бон банысан кӕндзысты бӕрӕгбонон мадзӕлттӕй, уыдонӕй сӕйраг уыдзӕн Цхинвалы гарнизоны парад, кӕцы райдайдзӕн 20 сентябры 11.00 сахатыл Мӕскуыйаг уынгыл.

26
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6
Цхинвал

Иу ФТЦ ӕмӕ дыууӕ фыдракӕнды: Хуссар Иры МХМ ивгъуыд къуырийы уавӕры тыххӕй

3
(ранӕуӕггонд 15:03 06.07.2020)
Хуссар Ирыстоны барадхъахъхъӕнӕг уагдоны фехъусын кодтой республикӕйы криминогенон уавӕры тыххӕй 29 июнӕй 6 июлы онг

ЦХИНВАЛ, 6 июл - Sputnik. Хуссар Ирыстоны ивгъуыд къуыри ӕрцыд иу фӕндагон-транспортон-цау (ФТЦ). Аварийы фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Афтӕ ма республикӕйы фӕндӕгтыл сбӕрӕг кодтой фӕндагон змӕлды 159 фӕткхалды. Авд шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй.

Уымӕй дарддӕр республикӕйы территорийыл ӕрцыд дыууӕ фыдракӕнды, кӕцытӕ раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй ЦХинвалы мидхъуыддӕгты хайады кусджытӕ ӕрурӕдтой дыууӕ адӕймаджы, кӕцыты тӕрхондон ӕрбаздахта административон бӕрнмӕ.

3