Хуссар Иры театр æмæ Уæрæсейы гастролон архайды федералон центр бадзырдтой æмгуыстадыл

Хуссар Иры театр æмæ Уæрæсейы гастролон архайды федералон центр бадзырдтой æмгуыстадыл

61
(ранӕуӕггонд 14:45 16.09.2019)
Уæрæсæйы столицæ æмæ регионты театрты гастрольтæ суыдзысты нæ театры архайыды вазыгджын хахх, - нымайы театры директор

ЦХИНВАЛ, 16 сен — Sputnik, Плиты Фатимæ. Уæрæсейы культурæйы министрады гастролон архайды федералон центры генералон директор Булукова Елена æмæ ХИ ПДТ разамынад директор Уалыты Мæдинæ æмæ аивадон къухдариуæггæнæг Дзудцаты Тамерлан фембæды рæстæджы сфидар кодтой æмгуыстады бадзырд, сæрмагондæй та йæ фæлгæтты Хуссар Иры театр бахæсдзысты центры дыууæфарсон гастролон нывæзтмæ.

Цæгат Кавказы театралон форумы цæуы Цæцæны. Хуссар Ирыстон паддзахадон драмон театры разамынад директор Уалыты Мæдинæ æмæ аивадон къухдариуæггæнæг Дзудцаты Тамерлан хайад исынц йæ куысты.

"Уæлдай сæрыстырæй радзырдтам нæ театры тыххæй, йæ уæрæх авналæнтæ æмæ сæ алыварсонæй спайда кæныны фадæты тыххæй. Уæрæсæйы столицæ æмæ регионты театрты гастрольтæ суыдзысты нæ театры архайды вазыгджын хахх, æвæрццаг æндæвдад сын уыздзæн нæ бæстæты хсæн культурон бастдзинæдтæ райтынг кæныныл", - загъта театры директор Уалыты Мæдинæ.

Уый ма банысан кодта, Уæрæсейы культурæйы министрады гастролон архайды федералон центры генералон директор Булукова Елена райста театры разамынады хуынд æмæ суыдзæн ног театралон сезоны баконды цытджын уазæг.

61

ХИПУ-йы йӕ куыст райдыдта исӕн къамис

0
(ранӕуӕггонд 11:51 07.07.2020)
Уӕлдӕр ахуыргӕнӕн уагдон цы дыууӕ 12 дӕсныйады ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 14 дӕсныйады, фӕсаууонмӕ хайады ис 7 хаххӕй равзарын, ноджы ма ацы формӕйы уӕлдӕр ахуырад райсын коммерцион бындурыл, ам ты ис фарст професси.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд йӕ ратта фондзыл.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

0
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6