Хуссар Иры президент фембӕлд ОБСЕ, Евроцӕдис ӕмӕ ИНО минӕвӕрттимӕ

"Комкоммӕ ӕртхъирӕн": Хуссар Иры президент фембӕлд ОБСЕ, Евроцӕдис ӕмӕ ИНО минӕвӕрттимӕ

23
(ранӕуӕггонд 14:24 17.09.2019)
Ӕхсӕнадӕмон организациты минӕвӕрттӕ ӕрцыдысты Цхинвалмӕ Фӕскавказы ӕдасдзинады фӕдыл Женеваг дискусситы радон раунды размӕ

ЦХИНВАЛ, 17 сен — Sputnik, Козаты Диана. Хуссар Ирыстон нымайы провокацийыл ӕмӕ комкоммӕ ӕртхъирӕныл гуырдзиаг тыхон структурӕты блокпост республикӕйы территорийыл Уисты (Цънелис) хъӕуы районы, фехъусын кодта Бибылты Анатолий Фӕскавказы ӕдасдзинады фӕдыл Женеваг дискусситы минӕвӕрттӕн.

ОБСЕ, Евроцӕдис ӕмӕ ИНО минӕвӕрттӕ ӕрцыдысты Цхинвалмӕ дыццӕджы Женеваг дискусситы размӕ, кӕцытӕ нывӕндынц ауадзын октябры райдайӕны. Столицӕйы уыдон фембӕлдысты хуссарирыстойнаг делегацийы уӕнгтимӕ. Фембӕлды сӕйраг темӕ уыд уавӕр арӕныл ӕмӕ Гуырдзыстоны ӕнӕзаконон блокпост.

"Ацы къахдзӕф у провокаци ӕмӕ йӕ мах нымайӕм комкоммӕ ӕртхъирӕныл Хуссар Ирыстоны ӕдасдзинадӕн. Фӕнды мӕ банысан кӕнын, пост кӕй ис Хуссар Ирыстоны территорийыл ӕмӕ уый фидаргонд у официалон документтӕй, кӕцытӕ мах бавдыстам сымахӕн", - загъта Бибылты Анатолий ӕхсӕнадӕмон минӕвӕрттӕн.

Паддзахады сӕргълӕууӕг бахахх кодта, зӕгъгӕ, гуырдзиаг фарсы архӕйдтытӕ аиуварс кӕнынӕн Евроцӕдис ӕмӕ ОБСЕ ницы аразынц.

"Мӕн фӕнды, цӕмӕй Женеваг дискусситӕ мауал уой ӕрмӕст дискусситӕ. Уым хъуамӕ хаст цӕуой дырыс скъуыддзӕгтӕ проблемӕты фӕдыл, кӕцыты руаджы хуыздӕр кодтаиккой ахастытӕ Гуырдзыстонимӕ. Ацы здӕхты хуссарирыстойнаг фарс цӕттӕ у кусын иумӕ ӕмӕ цӕттӕ у къахдзӕфтӕм, кӕцытӕ фӕхуыздӕр кӕндзысты уавӕр", - банысан кодта президент.

Встреча властей Южной Осетии с сопредседателями Женевских дискуссий
© Пресс-служба президента РЮО.
Хуссар Ирыстоны къухдариуӕгады фембӕлд Женеваг дискусситы минӕвӕрттимӕ

Женеваг дискусситы минӕвар Евроцӕдисӕй Тойво Клаар фехъусын кодта, уыдон кӕй зонынц тӕссаг уавӕры тыххӕй арӕныл ӕмӕ сын ис бастдзинӕдтӕ президенты ӕххӕстбарджын минӕвар Джиоты Мурӕтимӕ.

"Махӕн ахсджиаг у фӕхуыздӕр кӕнын тӕссаг уавӕр, ӕмӕ мах ӕмбарӕм ацы фарст кӕй хъӕуы скъуыддзаг кӕнын диалогы руаджы", - загъта Евроцӕдисы минӕвар.

Сопредседатели Женевских дискуссий Тойво Клаар и Рудольф Михалка
© Пресс-служба президента РЮО.
Женеваг дискусситы минӕвӕрттӕ Тойво Клаар ӕмӕ Рудольф Михалка

Уавӕр арӕныл

Хуссар Ирыстоны арӕныл уавӕры эскалаци райдыдта иу къуырийӕ фылдӕры размӕ, гуырдзиаг полици куы бавнӕлдта блокпосты арӕзтадмӕ Уистӕйы хъӕуы цур, уӕд.

Хуссар Ирыстоны делегаци Инциденттӕ ма ӕруадзыны ӕмӕ сӕ аиуварс кӕныны фӕдыл механизмты форматы фембӕлды рӕстӕджы 29 августы ӕрдомдта Гуырдзыстоны минӕвӕрттӕй айсын блокпост ӕмӕ сын куы нӕ сразы тсы, уӕд ацыдысты фембӕлдӕй. Уый фӕстӕ ацыд ноджы фембӕлды ИӔАМ форматы, фӕлӕ сӕ хайадисджытӕ не рцыдысты компромиссмӕ. Хуссар Ирыстоны къухдариуӕгад уадзы мадзӕлттӕ, цӕмӕй сӕххӕст кӕна ӕдасдзинад Уистӕйы районы арӕны хайыл.

23
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0