Къуаисайы бæрæгбон: дыууадæс азы горæты статусы

Къуаисайы бæрæгбон: дыууадæс азы горæты статусы

46
(ранӕуӕггонд 12:23 19.09.2019)
Къуыдаргомы горæты боны цытæн бæрæгбонон мадзæлттæ ахастой ног къуыримæ, уæд Къуаисайы ацæудзæн концерт

ЦХИНВАЛ, 17 сен — Sputnik, Плиты Фатимæ. Къуыдаргомы цӕрджытӕ 17 сентябры æмбæлынц сæ комæн горæты статусы раттыны боныл. Бæрæгбоны цытæн мадзæлттæ ахастой ног къуыримæ, фехъусын кодта Sputnik горæты мэр Бæззаты Геннадий.

Горӕты бон Къуаисайы нысан цӕуы 2007 азӕй фӕстӕмӕ, уӕд раздӕры шахтерон поселокӕн лӕвӕрд ӕрцыд горӕты статус, фæлæ уый нырма дæр документалон æгъдауæй фидар не ʻрцыд

"Ацы бонты республикæ æмбæлы цалдæр нысаниуæгджын датæйыл – Тырысайы æмæ Республикæйы бонтæ. Уымæ гæсгæ Къуаисайы горæты боны фæдыл цытджын мадзæлттæ аргъæвтам ног къуыримæ – нæ фæнды ис æрхонын артистты æмæ ауадзын концерт", - загъта мэр.

Кæддæры шахтерон поселок Къуаисайӕн 12 азы размӕ лӕвӕрд ӕрцыд горӕты статус. Раздӕр ацы районы цӕрджыты фылдӕр бӕрцӕй куысты бынӕттӕй ифтонг кодтой ӕрзӕткъахӕн шахтӕтӕ, фӕлӕ 90-ӕм азты уыдон ӕрцыдысты ӕхгӕд. Къуыдаргомы цӕрджыты фылдӕр хай хуыздӕр цардагур фӕлыгъдысты чи Цхинвалмӕ, чи Цӕгат Ирыстонмӕ.

Къуыдаргом ма 1991 ӕмӕ 2009 ӕзты бавзӕрста стыр зӕххӕнкъуыстытӕ, ӕрдзон фыдбылыз стыр зиан ракодта цӕрджытӕн. Фӕстаг ӕзты горӕт цадӕггай ӕндидзы, арӕзт дзы ӕрцыд ног цӕрӕнуӕттӕ, капиталон ӕгъдауӕй цалцӕг ӕрцыд Культурӕйы хӕдзар. Самадтой Къуаисайы ног скъолайы бӕстыхайы.

46
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0